নিয়মীয়া বাৰ্তা, ৩১ আগষ্ট: ইউনাইটেড পিপ’লছ পাৰ্টি লিবাৰেল চমুকৈ ইউপিপিএল দলে পৃথিৱী নাৰায়ণ দেৱ মেচক (পৃথ্বিৰাজ) দলৰ চি ডব্লিউ চি সদস্য পদৰ লগতে দলটোৰ পৰা অব্যাহতি দিয়া বুলি জানিব পৰা গৈছে। কালি নিশাৰ ভাগত সংবাদ মাধ্যমে লাভ কৰা তথ্য মতে যোৱা ২৮ আগষ্টত ইউপিপিএল দলৰ সাধাৰণ সম্পাদক মাউতি ব্ৰহ্ম হাজোৱাৰী স্বাক্ষৰিত অব্যাহতি পত্ৰ খন পৃথিৱী নাৰায়ণ দেৱ মেচলৈ প্ৰেৰণ কৰা হৈছে। অব্যাহতি পত্ৰ খনত পৃথিৱী নাৰায়ণ দেৱ মেচ দল বিৰোধী কাৰ্যকলাপত জড়িত হোৱাৰ লগতে দলীয় অনুশাসন ভংগ কৰাৰ বাবে তেওঁক দলৰ চি ডব্লিউ চি সদস্য পদৰ লগতে দলৰ পৰা অব্যাহতি দিয়া বুলি উল্লেখ কৰিছে।