নিয়মীয়া বাৰ্তা, ১৩ ছেপ্টেম্বৰঃ নগাঁও জিলাৰ চামগুৰি আৰক্ষী আৰু নগাঁও বন সুৰক্ষা বাহিনীৰ এটা দলে যোৱানিশা বগামূৰ অঞ্চলত অভিযান চলাই এজন লোকৰ ঘৰৰ পৰা গঁডৰ ছাল নখ, হৰিণৰ শিং আৰু এডাল কেঁকোসাপ জব্দ কৰিবলৈ সক্ষম হয়৷
জানিব পৰা মতে চামগুৰি থানাৰ আৰক্ষী আৰু বন সুৰক্ষা বাহিনীয়ে এক গোপন সূত্রৰ পম খেদি যোৱানিশা বগামূৰ অঞ্চলৰ ছফিকুল ইছলামৰ নামৰ লোকজনৰ ঘৰত অভিযান চলাই গঁডৰ ছাল, নখ হৰিণৰ শিংসহ এডাল কেঁকোসাপ জব্দ কৰে৷
অভিযুক্ত ছফিকুল ইছলাম পলাই যাবলৈ সক্ষম হয়৷ আনহাতে যোৱানিশা জব্দ কৰা গঁডৰ ছাল নখ, হৰিণৰ শিং আৰু কেঁকোসাপটো আৰক্ষীয়ে বন বিভাগৰ হাতত চমজাই দিয়ে৷ গঁডৰ চোৰাং চিকাৰৰ সৈতে জডিত ছফিকুল ইছলামসহ উক্ত চক্রটোক আটক কৰিবলৈ আৰক্ষীয়ে অনুসন্ধান অব্যাহত ৰাখিছে৷