প্রতিৰক্ষা মন্ত্রালয়ৰ অধীনস্থ ভাৰতীয় নৌ বাহিনীত ৩৪ পদত অবিবাহিত পুৰুষ প্রার্থী নিয়োগৰ যো–জা চলিছে৷ প্রকাশিত বিজ্ঞাপনৰ তথ্য অনুসৰি, মুঠ পদ ৩৪টাৰ ভিতৰত শিক্ষা বিভাগত পাঁচটা পদ পূৰণ কৰাৰ বিপৰীতে বাকী ২৯টা পদ কাৰিকৰী বিভাগত পূৰণ কৰা হ’ব৷
আবেদনকাৰীৰ জন্ম ২ জুলাই, ২০০১ আৰু ১ জানুৱাৰী, ২০০৪ৰ ভিতৰত হোৱা হ’ব লাগিব৷ প্রার্থী পদার্থ বিজ্ঞান, ৰসায়ন বিজ্ঞান আৰু গণিত বিষয়ত নূ্যনতম ৭০ শতাংশ নম্বৰেৰে দ্বাদশ শ্রেণী উত্তীর্ণ হোৱা হ’ব লাগিব৷ ইয়াৰ উপৰি প্রার্থী জেইই–২০২০ৰ পৰীক্ষাত উত্তীর্ণ হোৱাটো বাঞ্ছনীয়৷ নিযুক্তিপ্রাপ্তই নৌ সেনা বাহিনীৰ বিধিগত নিয়ম অনুসৰি মাহিলি পাৰিতোষিক লাভ কৰিব৷
আগ্রহীসকলে বিজ্ঞাপন বিষয়ক সবিশেষ তথ্য, পদৰ বাবে থাকিবলগীয়া অন্যান্য চর্তাৱলীৰ লগতে অনলাইনযোগে আবেদন দাখিল কৰিবলৈ ৱেবছাইটwww.joinindiannavy.gov.in লগ–ইন কৰিব পাৰে৷ আবেদন দাখিল প্রক্রিয়া ৬ অক্টোবৰৰ পৰা ২০ অক্টোবৰ, ২০২০লৈ অব্যাহত থাকিব৷