বিশ্বনাথ মহাবিদ্যালয়ত খালী হৈছে সহকাৰী অধ্যাপকৰ ২টা পদ৷ যোগ্য প্রার্থীৰ পৰা আবেদন আহ্বান কৰি মহাবিদ্যালয়খনৰ অধ্যক্ষই এক নিয়োগ বিজ্ঞাপন বিভাগীয় ৱেবছাইট আৰু সংবাদ পত্রত প্রকাশ কৰিছে৷ প্রকাশিত বিজ্ঞাপনৰ তথ্য অনুসৰি, সহকাৰী অধ্যাপকৰ পদ ২টাৰ ১টা দর্শন শাস্ত্র বিভাগৰ আৰু আনটো পদার্থ বিজ্ঞান বিভাগত পূৰণ কৰা হ’ব৷ পদটো অ’বিচি/এম’বিচি প্রার্থীৰ বাবে সংৰক্ষিত৷ আবেদনকাৰীৰ শৈক্ষিক অর্হতা ইউজিচিৰ নির্দেশনাৱলী অনুসৰি যোগ্য হ’ব লাগিব৷ ইয়াৰ উপৰি প্রার্থী ডক্টৰেট ডিগ্রীধাৰী নাইবা নেট/শ্লেট/ছেট উত্তীর্ণ হোৱাটো বাঞ্ছনীয়৷ বয়স ১ জানুৱাৰী, ২০২০লৈ সর্বোচ্চ ৩৮ বছৰ৷ বয়সৰ ঊর্ধ্বসীমা সংৰক্ষিত শ্রেণীৰ প্রার্থীয়ে ৰেহাই লাভ কৰিব৷
আবেদন মাচুল হিচাপে ২০০০ টকা ডিমাণ্ড ড্রাফ্টযোগে মহাবিদ্যালয়ৰ অধ্যক্ষৰ হকে এছ বি আইৰ বিশ্বনাথ চাৰিআলি শাখাত পৰিশোধ কৰিব লাগিব৷ আগ্রহীসকলে যাৱতীয় নথি–পত্রৰ প্রত্যায়িত প্রতিলিপিসহ আবেদনPrincipal, Biswanath College, Bishwanath Chariali, Assam, Pin : 784176 ঠিকনালৈ প্রেৰণ কৰিব লাগিব৷ আবেদন দাখিলৰ অন্তিম তাৰিখ ২৩ অক্টোবৰ, ২০২০৷ বিজ্ঞাপন বিষয়ক বিতং তথ্যৰ লগতে নির্ধাৰিত প্র–পত্র ডাউনলোড কৰিবলৈ উচ্চতৰ শিক্ষা সঞ্চালকালয়ৰ ৱেবছাইট ভিজিট কৰিব পাৰিব৷