নিয়মীয়া বাৰ্তা, ২ নৱেম্বৰঃ কামৰূপ জিলাৰ ছয়গাঁও আৰক্ষীয়ে কালি নিশা অভিযান চলাই ছয়গাঁৱত আই পি এলৰ বৃহৎ জুৱা চলোৱাৰ সমান্তৰালভাৱে দীৰ্ঘদিন ধৰি সুৰাৰো বেহা চলাই অহা পুৰাণ কটহীৰ যুগল কলিতা নামৰ যুৱকজনক আটক কৰে।
ঘটনাৰ বিৱৰণী মতে, দক্ষিণ কামৰূপৰ ছয়গাঁও আৰক্ষী থানাৰ ভাৰপ্ৰাপ্ত আৰক্ষী বিষয়া কপিল পাঠকৰ নেতৃত্বত কালি নিশা অভিযান চলাই ছয়গাঁৱৰ চৌধুৰী পাৰাৰ এখন ষ্টেচনাৰী দোকানৰ পৰাই যুগল কলিতাক আটক কৰিবলৈ সক্ষম হয়।
আৰক্ষীয়ে আটক কৰা যুগল কলিতাৰ সৈতে মোবাইল এটা, ৪ টা আই পি এল বহী, দুখন আই পি এলৰ কাগজ/ নথি, ৬টা বিলাতী মদৰ বটল আৰু নগদ ১০, ৪৫০ টকা জব্দ কৰিবলৈ সক্ষম হয় । আই পি এল জুৱাৰীৰ এটা চক্ৰৰ সৈতে জড়িত হৈ বৃহৎ ঘাটিৰ সৃষ্টি কৰিছিল যুগল কলিতাই। সম্প্ৰতি ছয়গাও আৰক্ষীয়ে এই আই পি এল জুৱাৰীৰ সন্ধান চলাই আছে।