নিয়মীয়া বাৰ্তা ২৮ নৱেম্বৰঃ লাভ জেহাদ’ক ৰাজনৈতিক বিষয় বুলি আখ্যা দি মোৰাদাবাদৰ সমাজবাদী পার্টীৰ সাংসদ হাছানে মুছলিম ল’ৰাবোৰক হিন্দু কন্যাক ভগ্ণী হিচাপে বিবেচনা কৰিবলৈ আহ্বান জনায়৷ ‘লাভ জেহাদ’ক প্রতিৰোধ কৰিবলৈ উত্তৰ প্রদেশ চৰকাৰে নতুন আইন বলৱৎ কৰা সন্দর্ভত প্রতিক্রিয়া ব্যক্ত কৰি সাংসদ হাছানে কয় যে লাভ জেহাদ এটি ৰাজনৈতিক শ্লোগান৷ আমাৰ দেশত জীৱনৰ সংগী হিচাপে আন ধর্মৰ লোকক পছন্দ কৰি লয়৷ হিন্দুৱে মুছলমানক বিয়া কৰায় আৰু মুছলমানে হিন্দুক বিয়া কৰায়৷ অৱশ্যে এনে বিবাহ অতি নূ্যনতম৷ কিন্তু হিন্দু ছোৱালীয়ে যদি বিবাহৰ পূর্বে ল’ৰাজনক মুছলিম হিচাপে নাজানে তেতিয়াহ’লে তাক ‘লাভ জেহাদ’ বুলি কোৱা হয়৷ গতিকে মুছলিম ল’ৰাসকলে এই সন্দর্ভত সচেতন হৈ হিন্দু কন্যাক ভগ্ণী হিচাপে বিবেচনা কৰা উচিত৷