নিয়মীয়া বাৰ্তা, ২৭ ডিচেম্বৰঃ গৌৰীপুৰত সংঘটিত এক পথ দুৰ্ঘটনাত প্ৰাণ গ’ল ৬জনকৈ লোকৰ। আজি দুপৰীয়া সংঘটিত হয় এই শোকাৱহ দুৰ্ঘটনা।
চাপটগ্ৰামৰ পৰা ধুবুৰীলৈ গৈ থকা যাত্ৰীবাহী বাছ (এ এছ ১৬ চি ১৮৩৫) আৰু শিলিগুৰিৰ পৰা গুৱাহাটী অভিমুখী ট্ৰাক(এ এছ ১৬ চি ১৮৩৫)ৰ মুখামুখি সংঘৰ্ষ হোৱাৰ ফলত থিতাতে ৬জনকৈ লোক নিহত হোৱাৰ লগতে কেইবাজনো যাত্ৰী আহত হয়।
কোকৰাঝাৰ আৰু ধুবুৰীৰ মাজৰ খাটাগুৰিৰ ৰাষ্ট্ৰীয় ঘাইপথত সংঘটিত দুৰ্ঘটনাটোত আহত হয় কেইবাগৰাকী যাত্ৰী। জানিব পৰা মতে, ট্ৰাকখনে নিয়ন্ত্ৰণ হেৰুৱাই বাছখনত খুন্দা মাৰে। দুৰ্ঘটনাগ্ৰস্ত ট্ৰাকৰ চালক আৰু হেণ্ডিমেনক বহু চেষ্টাৰ মূৰত উদ্ধাৰ কৰা হয়।
দুয়োগৰাকীকে সংকটজনক অৱস্থাত হাস্পতালত ভৰ্তি কৰোৱা হৈছে। তীব্ৰ যান-জঁট সৃষ্টি হোৱা অঞ্চলটোত সহস্ৰ লোকৰ সমাৱেশ হৈছে। মৃতকৰ সংখ্যা বৃদ্ধি হোৱাৰ আশংকা ব্যক্ত কৰিছে স্থানীয় সূত্ৰই।