নিয়মীয়া বাৰ্তা, ৮ ফেব্ৰুৱাৰীঃ আমচৈ অঞ্চলৰ বেলতলা গাঁৱত ৭ ফেব্ৰুৱাৰীৰ নিশা অকলশৰীয়াকৈ বিচৰণ কৰা এটা বনৰীয়া হাতীয়ে সন্তোষ সৰকাৰ নামৰ মানুহ এজনৰ ঘৰ ভাঙি লণ্ডভণ্ড কৰি ধান খোৱাৰ লগতে ঘৰত থকা বস্তু-বাহানিও ভাগি লণ্ডভণ্ড কৰে।
বনৰীয়া হাতীটোয়ে সন্তোষ সৰকাৰৰ প্ৰায় পঞ্চাশ হাজাৰমান টকাৰ সা-সম্পত্তিৰ অনিষ্ট সাধন কৰে । সন্তোষ সৰকাৰৰ ওচৰ-চুবুৰীয়াৰ পৰা জানিব পৰা মতে বনৰীয়া হাতীটোৱে এই কাণ্ড নিশা প্ৰায় ১ বজাত সংঘটিত কৰে ।
উল্লেখ্য যে ৭ ফেব্ৰুৱাৰীৰ নিশা ঘৰটোত কোনো নথকাৰ বাবে হতাহতৰ পৰা ৰক্ষা পৰে ঘৰটোত বাস কৰা পৰিয়াল। সন্তোষ সৰকাৰে এই ঘটনাৰ বিষয়ে ইতিমধ্যে ধৰমতুল আঞ্চলিক বন বিষয়াক অৱগত কৰা বুলি জানিব পৰা গৈছে ।