নিয়মীয়া বাৰ্তা, ১০ ফেব্ৰুৱাৰীঃ ছয়গাঁও আৰক্ষীয় আজি পুৱতিনিশা চলোৱা এক অভিযানত গৰৈমাৰীৰ মহাবীৰ পথাৰৰ পৰা ড্ৰাগছসহ এজন লোকক আটক কৰে ৷ লোকজন হ’ল মহাবীৰ পথাৰৰ নজমুল হক ৷
জানিব পৰা মতে, ছয়গাঁও আৰক্ষীয়ে গোপন সূত্ৰে লাভ কৰা এক তথ্যৰ ভিত্তিত আজি পুৱতিনিশা ছয়গাঁও আৰক্ষী থানাৰ ভাৰপ্ৰাপ্ত আৰক্ষী বিষয়া কপিল পাঠকৰ নেতৃত্বত মহাবীৰ পথাৰত এক অভিযান চলায় ৷
এই অভিযানত ড্ৰাগছ বিক্ৰী কৰিবলৈ অহা নজমুল হক নামৰ লোকজনক আটক কৰে ৷ আৰক্ষীয়ে লোকজনৰ পৰা ড্ৰাগছৰ লগতে ১৩টা কণ্টেনাৰ আৰু এটা মবাইল জব্দ কৰে ৷ উক্ত লোকজনে দীৰ্ঘদিন ধৰি উক্ত অঞ্চলত ড্ৰাগছৰ ব্যৱসায় চলাই আহিছে বুলি আৰক্ষীয়ে জানিবলৈ দিছে ৷