নিয়মীয়া বাৰ্তা ১০ মাৰ্চঃ বিশিষ্ট অভিনেতা তথা ৰাজনীতিক কমল হাছানৰ মাক্কাল নিধি মায়াম (এমএনএম) দলে আগন্তুক তামিলনাডু বিধানসভা নির্বাচনত ১৫৪খন আসনত প্রতিদ্বন্দ্বিতা কৰিব৷ ২৩৪ আসনৰ ভিতৰত ১৫৪খনত দলটোৱে প্রতিদ্বন্দ্বিতা কৰাৰ সিদ্ধান্ত লৈছে৷
ইফালে অন্য ৮০খন আসন এম এন এমে এৰি দিছে অল ইণ্ডিয়া ছামাটুভা মাক্কাল কাটছি (এআইএছএমকে) আৰু ইন্ধিয়া জননায়গা কাটছি (আইজেকে) দলক৷ লক্ষণীয়ভাৱে হাছানৰ দলটোৱে এই দুটা দলৰ সৈতে মিত্রতা স্থাপন কৰি তামিলনাডুত সকলো ৰাজনৈতিক দলক প্রত্যাহ্বান জনাবলৈ সিদ্ধান্ত লৈছে৷ এ আই এছ এম কে আৰু আই জে কেই ৪০খনকৈ আসনত প্রতিদ্বন্দ্বিতা কৰিব ৰাজ্যখনত৷ আগন্তুক ৬ এপ্রিলত ৰাজ্যখনত এটা পর্যায়ত অনুষ্ঠিত হ’ব নির্বাচন আৰু ফলাফল ঘোষণা হ’ব ২ মে’ত৷