বৰপেটা–পশ্চিম গুৱাহাটী হাজোৰ প্রার্থীৰ নাম ঘোষণা

নিয়মীয়া বাৰ্তা ১৮ মাৰ্চঃ তৃতীয় পর্যায়ৰ নির্বাচনৰ বাবে আজি কংগ্রেছে দ্বিতীয়খন প্রার্থীৰ তালিকা ঘোষণা কৰিছে৷ এই তালিকাত প্রার্থিত্ব দিয়া হৈছে হাজো, পশ্চিম গুৱাহাটী আৰু বৰপেটা সমষ্টিত৷ বৰপেটা সমষ্টিত এইবাৰ প্রার্থিত্ব লাভ কৰিছে আব্দুৰ ৰহিম আহমেদ, পশ্চিম গুৱাহাটীত শেহতীয়াকৈ কংগ্রেছত যোগদান কৰা মীৰা বৰঠাকুৰ গোস্বামী আৰু হাজো সমষ্টিত আনোৱাৰ হুছেইনে৷ উল্লেখ্য যে কালি কংগ্রেছে দ্বিতীয় পর্যায়ৰ নির্বাচনৰ বাবে প্রকাশ কৰা তালিকা ২১টা সমষ্টিৰ বাবে প্রার্থীৰ নাম ঘোষণা কৰিছিল৷ আজি পুনৰ তিনিটা সমষ্টিৰ প্রার্থীৰ তালিকা ঘোষণা কৰি তৃতীয় পর্যায়ৰ নির্বাচনৰ বাবে মুঠ ২৪টা সমষ্টিৰ প্রার্থীৰ নাম ঘোষণা কৰিলে৷