নিয়মীয়া বাৰ্তা, ১৯ মাৰ্চঃ ইণ্ডিয়া লিজেণ্ডে আনএকাডেমী ৰোড ছেফটী বিশ্ব ছিৰিজ টি–২০ ক্রিকেটৰ ফাইনেলত প্রৱেশ কৰিছে৷ ৰায়পুৰত বুধবাৰে নিশা অনুষ্ঠিত প্রথমখন ছেমিত ইণ্ডিয়া লিজেণ্ডে ৱেষ্ট ইণ্ডিজ লিজেণ্ডক ১২ ৰানত পৰাস্ত কৰে৷ ভাৰতে জয়ৰ বাবে বান্ধি দিয়া ২১৯ ৰানৰ লক্ষ্য অনুসৰণ কৰিবলৈ আহি ড’ৱেইন স্মিথৰ ৬৩, নাৰসিঙৰ ৫৯ আৰু অধিনায়ক ব্রায়ান লাৰাৰ ৪৬ ৰানৰ সহায়ত ৱেষ্ট ইণ্ডিজে ৬টা উইকেট হেৰুৱাই ২০৬ ৰানহে কৰে৷ ইয়াৰ পূর্বে প্রথমে বেটিং কৰি অধিনায়ক শচীন তেণ্ডুলকাৰৰ ৪২টা বলত ৬৫, যুৱৰাজ সিঙৰ ২০টা বলত অপৰাজিত ৪৯ আৰু ইউছুফ পাঠানৰ ২০টা বলত অপৰাজিত ৩৭ ৰানৰ সহায়ত ইণ্ডিয়া লিজেণ্ডে নির্ধাৰিত ২০ অভাৰত তিনিটা উইকেট হেৰুৱাই ২১৮ ৰান কৰে৷ শচীনৰ ইনিংছটোত আছিল ৬টা বাউণ্ডেৰী আৰু তিনিটা অভাৰ বাউণ্ডেৰী৷