৪৭ কনচেনট্রেটৰসহ অক্সিমিটাৰ মাস্ক–পিপিই কিট প্রদান ৰাজ্য চৰকাৰক

নিয়মীয়া বাৰ্তা ৩০ জুনঃ ক’ভিডৰ বিৰুদ্ধে ৰাজ্য চৰকাৰে চলাই অহা যুঁজলৈ সহায়ৰ হাত আগবঢ়াইছে আছাম ফাউণ্ডেচন অৱ নর্থ আমেৰিকাই (এ এফ এন এ)৷ এই সংস্থাটোৱে ৰাজ্য চৰকাৰলৈ আগবঢ়াইছে ৪৭টা অক্সিজেন কনচেনট্রেটৰসহ অক্সিমিটাৰ, পিপিই কিটকে ধৰি বিভিন্ন সামগ্রী৷ এই সংস্থাটোৱে ১৫০০টা পিপিই কিট, ১০০০খন ফেছশ্বিল্ড, ১৮০০ গ্ল’ভছ, ১৫০০ মাস্ক, ৫০টা পালছ অক্সিমিটাৰ ৰাজ্য চৰকাৰলৈ আগবঢ়াইছে৷

ফাউণ্ডেচনৰ সভাপতি ছৰফৰাজ তাহেৰ, উপ–সভাপতি চন্দন মজুমদাৰ আৰু সাধাৰণ সম্পাদক ইনাক্ষি বৰুৱাই এখন পত্রযোগে মুখ্যমন্ত্রী ড০ হিমন্ত বিশ্ব শর্মাক এই সামগ্রীসমূহ আগবঢ়োৱাৰ কথা সদৰী কৰে৷ এইক্ষেত্রত সহযোগিতা কৰাৰ বাবে ৰাষ্ট্রীয় স্বাস্থ্য অভিযান অসম, ৱাশ্বিংটনত থকা ভাৰতীয় দূতাৱাসৰ মন্ত্রী (অর্থনৈতিক) ৰবি কোটাক কৃতজ্ঞতা জ্ঞাপন কৰিছে এ এফ এন এ৷ ইপিনে, এই সামগ্রীসমূহ আগবঢ়োৱাৰ বাবে সংস্থাটোক কৃতজ্ঞতা জ্ঞাপন কৰিছে মুখ্যমন্ত্রী ড০ হিমন্ত বিশ্ব শর্মাই৷