বিধানসভা নির্বাচনলৈ লক্ষ্য ৰাখি গুজৰাটৰ নতুন মুখ্যমন্ত্রীৰ দায়িত্ব ভূপেন্দ্র পেটেলক

নিয়মীয়া বাৰ্তা ১৩ ছেপ্টেম্বৰঃ গুজৰাটৰ নতুন মুখ্যমন্ত্রী হিচাপে দায়িত্ব লাভ কৰিছে ভূপেন্দ্র পেটেলে৷ শনিবাৰে বিজয় ৰূপানীৰ পদত্যাগৰ পিছতে একাধিক নাম আলোচনাৰ মাজলৈ আহিছিল৷ আজি বিজেপি বিধায়িনী দলৰ বৈঠকত ভূপেন্দ্র পেটেলৰ নাম প্রস্তাৱ কৰা হয়৷ স্মর্তব্য যে আনন্দিবেন পেটেলৰ পিছত বিজয় ৰূপানীয়ে ৰাজ্যখনৰ মুখ্যমন্ত্রী হিচাপে দায়িত্ব লাভ কৰিছিল৷ প্রধানমন্ত্রী নৰেন্দ্র মোদী আৰু কেন্দ্রীয় গৃহমন্ত্রী অমিত শ্বাহৰ পছন্দ অনুসৰি ভূপেন্দ্র পেটেলক নতুন মুখ্যমন্ত্রীৰ দায়িত্ব প্রদান কৰা হৈছে বুলি ধাৰণা কৰা হৈছে৷ স্মর্তব্য যে আগন্তুক বিধানসভা নির্বাচনৰ প্রতি লক্ষ্য ৰাখি পাটিদাৰ পেটেল সম্প্রদায়ৰ নেতা ভূপেন্দ্র পেটেলক মুখ্যমন্ত্রী হিচাপে বাছনি কৰা হৈছে৷