নিয়মীয়া বাৰ্তা, ২ নৱেম্বৰঃ মৰিয়নী সমষ্টিত বিপুল ভোটৰ ব্যৱধানত জয়ী হ’ল বিজেপি প্ৰাৰ্থী ৰূপজ্যোতি কুৰ্মী । বিধায়ক পদ আৰু কংগ্ৰেছ দল ত্যাগ কৰি বিজেপিত যোগদান কৰি উপ-নিৰ্বাচনত অৱতীৰ্ণ হোৱা ৰূপজ্যোতি কুৰ্মীয়ে পুনৰ মৰিয়নী সমষ্টি নিজৰ দখললৈ আনিবলৈ সক্ষম হ’ল ।
উপ-নিৰ্বাচনত মৰিয়নী সমষ্টিৰ পৰা বিজেপিৰ টিকটত বিজয়ী হোৱা কুৰ্মীয়ে আজি ৪০,১০৪ টা ভোটত জয় লাভ কৰে। তেওঁ ৫৫,৪৮৯ টা ভোট লাভ কৰাৰ বিপৰীতে তেওঁৰ নিকটতম প্ৰাৰ্থী কংগ্ৰেছৰ লোহিত কোঁৱৰে ১৫,৩৮৫ টা ভোট লাভ কৰে ।
জয়ৰ পাছত সংবাদমাধ্যমৰে হোৱা বাৰ্তালাপত ৰূপজ্যোতি কুৰ্মীয়ে কয়,- “মৰিয়নীবাসী ৰাইজে উপ-নিৰ্বাচনত উন্নয়ন আৰু বিকাশৰ বাবে ভোট দি মোক জিকালে। ৰাইজে এতিয়া উন্নয়ন বিচাৰিছে। সেইবাবে মৰিয়নীবাসীৰাইজক আমি অশেষ ধন্যবাদ জনাইছো। অখিল গগৈ আৰু অন্যান্য কংগ্ৰেছৰ নেতাসকলক এটায়ে কথা ক’ব বিচাৰো তোলনি বিয়া, সকাম, পঞ্চামৃত খোৱা এই ৰূপজ্যোতি আকৌ জিকিল।”