নিয়মীয়া বাৰ্তা, ১২ নৱেম্বৰঃ শোণিতপুৰৰ বালিপৰাৰ ঘোঁৰামাৰীস্থিত বালিপৰা উন্নয়ন খণ্ডত নাবাৰ্ডৰ সৌজন্যত আৰু চাইবাৰ স্পেছৰ উদ্যোগত অনুষ্ঠিত চেনিটাৰী নেপকিন প্ৰস্তুতকৰণৰ এক কৰ্মশালাৰ আজি সফল সামৰণী অনুষ্ঠান অনুষ্ঠিত হয় । অনুষ্ঠানতেই বৈজ্ঞানিক পদ্ধতিৰে চেনিটাৰী নেপকিন প্ৰস্তুতকৰণৰ বিষয়ত সমল ব্যক্তিসকলে বিভিন্ন আত্মসহায়ক গোটৰ ৩০ গৰাকীকৈ মহিলাক প্ৰশিক্ষণ প্ৰদান কৰে ।
লগতে অনুষ্ঠানৰ অন্তত প্ৰশিক্ষাৰ্থীসকলক একোখনকৈ মানপত্ৰও প্ৰদান কৰে । অনুষ্ঠানটোত ডি আই চি চি শোণিতপুৰৰ ই অ’ বিষয়া ৰূপাঞ্জল ভট্টাচাৰ্য, এ এছ আৰ এল এমৰ বি চি হেপ্পী তপ্নৰ লগতে ভালেমান বিষয়ববীয়া, প্ৰশিক্ষাৰ্থীসকল উপস্থিত থাকে ।