নিয়মীয়া বাৰ্তা, ১৩ ডিচেম্বৰ: অসম অলিম্পিক সন্থাৰ তিনিমহীয়া বার্তা আলোচনী স্প’টছজ্যোতিষপুৰৰ তৃতীয় সংস্কৰণ দেওবাৰে অসম অলিম্পিক সন্থাৰ সভাকক্ষত উন্মোচন কৰা হয়৷ বার্তা আলোচনীখন উন্মোচন কৰে অসম চৰকাৰৰ মহাধিবক্তা তথা অসম ক্রিকেট সন্থাৰ সম্পাদক দেৱজিত শইকীয়াই৷ অসম অলিম্পিক সন্থাৰ মিডিয়া কমিটীৰ অধ্যক্ষ ৰাজীৱ প্রকাশ বৰুৱাৰ সম্পাদনাত প্রকাশ পোৱা স্প’টছজ্যোতিষপুৰৰ উন্মোচনী অনুষ্ঠানত অসম অলিম্পিক সন্থাৰ সম্পাদক লক্ষ্য কোঁৱৰ, লোকসভাৰ সাংসদ পল্লৱ লোচন দাস, অসম অলিম্পিক সন্থাৰ উপ–সভাপতি ৰিতুবৰণ শর্মা, কল্যাণ গগৈ, বিষ্ণুৰাম নুনিছা, প্রণয় বৰদলৈ জেহিৰুল হকৰ লগতে আন বিষয়ববীয়াসকল উপস্থিত থাকে৷