নিয়মীয়া বাৰ্তা, ১৫ ডিচেম্বৰঃ হোজাইৰ মোৰাঝাৰ থানাৰ অন্তৰ্গত চাবাজপুৰত মঙলবাৰে বৃহৎ পৰিমানৰ ব্ৰাউন চুগাৰসহ গ্ৰেপ্তাৰ হয় তিনিজন সৰবৰাহকাৰী৷ আৰক্ষীৰ এক গোপন সূত্ৰৰ ভিত্তিত মোৰাঝাৰ থানাৰ ভাৰপ্ৰাপ্ত বিষয়া মিন্টু শৰ্মাই AS 25 CC 8599 নম্বৰৰ টাটা মোবাইল আৰু NL 07 CA 8645 নম্বৰৰ চাৰিচকীয়া গ্লাঞ্জা বাহনখনৰ পৰা জব্দ কৰে সাতটা চাবোনৰ কেচ ভৰ্তি ব্ৰাউন চুগাৰখিনি৷ আৰক্ষীয়ে খেদি খেদি জব্দ কৰে ব্ৰাউন চুগাৰ কঢ়িয়াই নিয়া বাহন দুয়োখন৷ঘটনা সংক্ৰান্তত আৰক্ষীয়ে শ্বাহাব উদ্দিন, আলা উদ্দিন আৰু আব্দুল মতিনক আটক কৰি জেৰা অব্যাহত ৰাখিছে৷
উল্লেখ্য যে ধৃত তিনিওজনৰ ঘৰ ডবকাৰ সুতাৰগাঁৱত বুলি জনা যায়৷ তিনিও বিক্ৰীৰ বাবে ডিমাপুৰৰ পৰা ব্ৰাউন চুগাৰখিনি লৈ আহিছিল৷ সেই সময়তে আৰক্ষীয়ে সৰবৰাহকাৰী তিনিওকে আটক কৰাৰ লগতে জব্দ কৰে ব্ৰাউন চুগাৰখিনি৷ ধৃত তিনিওকে এন ডি পি এছ আইনৰ অধিনত গোচৰ ৰুজু কৰি তদন্ত অব্যাহত ৰাখিছে ।