নিয়মীয়া বাৰ্তা ২৮ডিচেম্বৰঃ যোৱা নিশা নগাঁও চহৰৰ নাতিদূৰৰ চকৰিগাৱৰ সমীপত ৰেলৰ চেপাত এগৰাকী শিক্ষকৰ মৃত্যু হোৱা ঘটনাই চাঞ্চল্যৰ সৃষ্টি কৰিছে৷
জানিব পৰা মতে গুৱাহাটীৰ পৰা শিলঘাটলৈ অহা শিলঘাট -গুৱাহাটী যাত্ৰীবাহী ৰেল গাড়ী খনে যোৱা নিশা প্ৰায় ৮:৩০বজাত চকৰিগাৱৰ সমীপত শিক্ষক জনক চেপাৰ ফলত শিক্ষক জন থিতাতে নিহত হয় ৷ পিছত শিক্ষক জনৰ ঘৰ বঢ়মপুৰৰ ভকত গাৱত বুলি জানিব পৰা গৈছে ৷ নিহত শিক্ষক জনৰ নাম ৰিদিপ শৰ্মা(৪৬) ৷ শৰ্মা এখন চৰকাৰী প্ৰাথমিক বিদ্যালয়ৰ শিক্ষক আছিল ৷
কি পৰিস্থিতিত শিক্ষকজনৰ এনে মৃত্যু হল সেইয়া জানিব পৰা হোৱা নাই যদিওঁ আৰক্ষীৰ তদন্তইহে সকলো দিশ পোহৰলৈ আনিব পাৰিব ৷শিক্ষক জনৰ মৃত্যুত অঞ্চলটোত শোকৰ ছা পৰিছে ৷ মৃত্যুৰ সময়ত তেওঁ পত্নী কন্যাসহ বহু আত্মীয় স্বজন ইহসংসাৰত এৰি থৈ গৈছে ৷