নিয়মীয়া বাৰ্তা, ৭ ডিচেম্বৰঃ প্রবীণ অভিনেতা ৰবি পটৱর্ধনৰ কালি হূদৰোগত আক্রান্ত হৈ ৮৪ বছৰ বয়সত পৰলোকপ্রাপ্তি ঘটিছে৷ বলীউডৰ হিন্দী ছবিৰ লগতে মাৰাঠী ছবি জগতৰ অন্যতম চৰিত্রাভিনেতা ৰবি পটৱর্ধনৰ হূদৰোগত আক্রান্ত হৈ যোৱানিশা বিয়োগ ঘটা বুলি অভিনেতাগৰাকীৰ পুত্র নিৰঞ্জন পটৱর্ধনে টুইটাৰযোগে প্রকাশ কৰিছে৷
চাৰি দশক ধৰি চলচ্চিত্র জগতত অভিনয়েৰে দেশবাসীৰ হূদয় জয় কৰা পটৱর্ধনৰ মাৰাঠী টিভি ধাৰাবাহিক ‘আগাবাই ছাছুবাই’ৰ অভিনয় আৰু ১৯৮০ৰ দশকত হিন্দী ছবি ‘তেজাব’ আৰু ‘অংকুশ’ত কৰা অনবদ্য অভিনয় সদায় চর্চিত হৈ থাকিব৷ প্রবীণ অভিনেতা পটৱর্ধনে ২০০তকৈ অধিক ছবিত অভিনয় কৰাৰ লগতে অনেক মাৰাঠী নাটকত অভিনয় কৰিছে৷
তেওঁৰ উল্লেখযোগ্য হিন্দী ছবিৰ ভিতৰত যশৱন্ত আছে৷ আনপিনে মাৰাঠী ছবিৰ ভিতৰত আছা আছব্ব্য ছান, উমবাৰথা, ঝঞ্জাৰ আদি অন্যতম৷