🔹 War 2 Teaser মুকলি : ইণ্টাৰনেট জগতত খলকনি ঋতিক-জুনিয়ৰ এনটিআৰৰ
নিউজ ডেস্ক, ২০ মে’ : অৱশেষত অপেক্ষাৰ অন্ত। অনুৰাগীসকলৰ বাবে আজি War 2 Teaser মুকলি কৰি দিয়া হয়। এক আকৰ্ষণীয় অনুষ্ঠান, লগতে জুনিয়ৰ এনটিআৰৰ জন্মদিনত War 2 Teaser মুকলি কৰি দিয়ে। হিন্দী ছবি জগতত এনটিআৰে এই ছবিখনেৰে অভিষেক ঘটাব। ষ্টাইলিছ এজেণ্ট কবীৰ ধলিৱাল হিচাপে ঘূৰি অহা ঋত্বিক ৰোশনৰ সৈতে বিস্ফোৰক আৰম্ভণিৰ প্ৰতিশ্ৰুতিও দিছে এনটিআৰে। অয়ন মুখাৰ্জী পৰিচালিত এই একচনভৰ্তি ছবিখনৰ টিজাৰে ইতিমধ্যে সমগ্ৰ ইণ্টাৰনেট জগতত খলকনি তুলিছে।
চিনেমাৰ শিৰোনাম : War 2
ধাৰা : একচন, স্পাই থ্ৰিলাৰ
পৰিচালক : অয়ন মুখাৰ্জী
প্ৰযোজক : যশ ৰাজ ফিল্মছ
মুখ্য অভিনেতা : ঋতিক ৰোশন, জুনিয়ৰ এন টি আৰ, কিয়াৰা আদৱানি
মুক্তিৰ তাৰিখ : ১৪ আগষ্ট, ২০২৫
টিজাৰ মুক্তিৰ তাৰিখ : ২০ মে’, ২০২৫
War 2 চিনেমাখনৰ টিজাৰটোৰ আৰম্ভণিতে Jr NTRৰ শক্তিশালী ভইচ অভাৰ। তেওঁৰ সুৰটো শান্ত যদিও এক গভীৰ বাৰ্তা দিয়ে, কাৰণ তেওঁ কয় যে তেওঁ কবীৰৰ প্ৰতিটো খোজ অনুসৰণ কৰি আহিছে ৷ টিজাৰটোত কবীৰ (ঋতিক) নোলাওঁতেই জুনিয়ৰ এনটিআৰৰ কঠোৰ সতৰ্কবাণী : “আপুনি মোক চিনি নাপায়, কিন্তু সোনকালে চিনি পাব।” এই এটা লাইনে ইতিমধ্যে সমগ্ৰ দেশৰ অনুৰাগীৰ মাজত উৎকণ্ঠা বৃদ্ধি কৰিছে। তাৰ পৰাই টিজাৰটো সম্পূৰ্ণ একচনলৈ পৰিৱৰ্তিত হয়— বন্দুকৰ যুঁজ, হাতে হাতে যুঁজ, বিমান আৰু ৰে’লত ষ্টাণ্ট, আনকি গ্লেমাৰাৰ্ছ অৱতাৰত কিয়াৰা আদৱানিৰ এক অনন্য মুহূৰ্ত। চিনেমাখনৰ দৃশ্যবোৰ ইটালী, স্পেইন, জাপান, আবুধাবি, ৰাছিয়া, আৰু মুম্বাইত শ্বুট কৰা হৈছে। কাহিনীভাগ সম্পূৰ্ণৰূপে প্ৰকাশ কৰা হোৱা নাই যদিও War 2 RAWৰ আটাইতকৈ অভিজাত এজেণ্ট মেজৰ কবীৰ ধলিৱালৰ কাহিনীৰে আগবাঢ়িছে। এইবাৰ কবীৰৰ লগ হৈছে জুনিয়ৰ এন টি আৰ। Jr NTRৰ “Get ready for War” শাৰীটোৱে দুটা অভিজাত শক্তিৰ মাজত মাৰাত্মক যুঁজৰ ইংগিত বহন কৰিছে। আনকি অনুৰাগীসকলে এই ছবিখনত শ্বাহৰুখ খান বা ছলমান খানৰ চমকপ্ৰদ উপস্থিতিৰ জল্পনা-কল্পনা কৰিছে যদিও এতিয়ালৈকে একো নিশ্চিত হোৱা নাই। ২০২৫ চনৰ ১৪ আগষ্টত, স্বাধীনতা দিৱসৰ ঠিক আগতে সমগ্ৰ ভাৰতৰ ছবিগৃহত মুক্তি পাব War 2। হিন্দী ভাষাত মুক্তি পাবলগীয়া ছবিখনৰ ডাব সংস্কৰণ তেলুগু, তামিল, মালয়ালম আৰু কানাড়া ভাষাত উপলব্ধ হোৱাৰ সম্ভাৱনা আছে।