নিয়মীয়া বাৰ্তা, ১০ এপ্ৰিলঃ ছ’চিয়েল মিডিয়াত ক’ৰোনা ভাইৰাছক লৈ অপপ্ৰচাৰৰ লগতে সাম্প্ৰদায়িক মন্তব্য কৰা লোকৰ ওপৰত কঠোৰ হৈ পৰিছে অসম আৰক্ষী । শেহতীয়াকৈ যিসকল লোকক অপপ্ৰচাৰৰ লগতে সাম্প্ৰদায়িক মন্তব্য সন্দৰ্ভত আসম আৰক্ষীয়ে গ্ৰেপ্তাৰ কৰিছিল, তেওঁলোকৰ নামসহ ফটো প্ৰকাশ কৰিছে অমস আৰক্ষীয়ে ।
উল্লেখ্য যে ৰাজ্যৰ বিভিন্ন স্থানৰ পৰা এনে ৩৫ গৰাকী লোকক গ্ৰেপ্তাৰ কৰা হৈছে । অৱশ্যে ইয়াৰে একাংশক আৰক্ষীয়ে জামিনত মুকলি কৰি দিছে ।
ইপিনে এনেধৰণৰ দুষ্কাৰ্য দৃষ্টিগোচৰ হ’লেই তাৎক্ষণিকভাৱে অসম আৰক্ষীৰ ফেচবুকযোগে, টুইটাৰযোগে নাইবা হোৱাটছ এপ হেল্পলাইন নম্বৰ ৯১৩২৬-৯৯৭৩৫ যোগে অৱগত কৰিব পাৰে।
#MustRead: ক’ভিড-১৯ সন্দৰ্ভত সামাজিক মাধ্যমত অসত্য তথ্য, উৰা-বাতৰি আৰু প্ৰৰোচনামূলক বক্তব্য বিয়পোৱাসকলৰ বিৰুদ্ধে অসম আৰক্ষীয়ে কঠোৰ আইনী ব্যৱস্থা গ্ৰহণ কৰিছে। ইতিমধ্যে অসম আৰক্ষীয়ে এনে দুষ্কাৰ্যৰ সৈতে জড়িত ৩৫ জনক গ্ৰেপ্তাৰ কৰিছে। @CMOfficeAssam@hrishikeshgosw3@assampolice pic.twitter.com/p0jYzhl2ap
— DIPR Assam (@diprassam) April 9, 2020