নিয়মীয়া বাৰ্তা, ৪ মে’ : সোমবাৰে স্বাস্থ্যমন্ত্ৰী ড০ হিমন্ত বিশ্ব উপস্থিত হয় বঙাইগাঁও জিলাত । বঙাইগাঁৱত উপস্থিত হৈ ক’ভিড-১৯ সম্পৰ্কীয় পৰিস্থিতিৰ বুজ লোৱাৰ লগতে সংক্ৰমিত ব্যক্তিক আছুতীয়াকৈ ৰখাৰ বাবে অসামৰিক চিকিৎসালয়ত স্থাপিত পৃথকীকৰণ কেন্দ্ৰৰ কাম-কাজো পৰিদৰ্শন কৰে মন্ত্ৰীগৰাকীয়ে ।
বঙাইগাঁও জিলা ক’ৰোনা আক্ৰান্ত ৫ গৰাকী ৰোগীক যথাসম্ভৱ উন্নত সেৱা প্ৰদান কৰিবৰ বাবেও জিলা প্ৰশাসনক পৰামৰ্শ প্ৰদান কৰে মন্ত্ৰী গৰাকীয়ে । বঙাইগাঁও ভ্ৰমণৰ এই সময়ছোৱাত স্বাস্থ্যমন্ত্ৰী গৰাকীৰ সৈতে উপস্থিত থাকে ৰাজ্যিক স্বাস্থমন্ত্ৰী পীয়ুষ হাজৰিকা ।