- ডুমডুমাৰ তন্ময় সোণোৱালৰ দুবছৰীয়া প্রচেষ্টাৰ অন্তত বিদেশী ভাষাত অসমীয়া সাধু
- দেশ–বিদেশৰ গ্রন্থ বিপণী–নলাইনত উপলব্ধ সোণোৱালৰ অনূদিত গ্রন্থ
নিয়মীয়া বাৰ্তা, ২৮ অক্টোবৰ: ৰসৰাজ লক্ষ্মীনাথ বেজবৰুৱাৰ অপূর্ব সৃষ্টি ‘বুঢ়ী আহৰ সাধু’ অসমীয়া ভাষা–সাহিত্য তথা সমাজ জীৱনৰ অমূল্য সম্পদ৷ ‘বুঢ়ী আহৰ সাধু’ত সন্নিৱিষ্ট প্রতিটো কাল্পনিক সাধুুৱে অসমীয়া ভাষা–সাহিত্যত এক মেটমৰা সম্ভাৰ৷ প্রতিজন অসমীয়াৰ প্রিয় তথা মুখে মুখে থকা এহ ‘বুঢ়ী আহৰ সাধু’ক এতিয়া এখোজ আগবঢ়াহ বিশ্ব দৰবাৰত প্রতিষ্ঠা কৰিবলৈ সক্ষম হৈছে তিনিচুকীয়া জিলাৰ ডুমডুমাৰ তন্ময় সোণোৱাল৷ ডুমডুমাৰ ৰূপাহ নিৱাসী ভোলা সোণোৱাল আৰু বন্তি সোণোৱালৰ কনিষ্ঠ পুত্র তন্ময় সোণোৱালে প্রায় দুবছৰীয়া নিৰলস প্রচেষ্টাৰ অন্তত ৰসৰাজ লক্ষ্মীনাথ বেজবৰুৱাৰ এহ অপূর্ব সৃষ্টি ‘বুঢ়ী আহৰ সাধু’ স্পেনিজ ভাষালৈ অনুবাদ কৰি সমাদৃত হৈছে৷ যোৱা ৩০ আগষ্টত দিল্লীত আনুষ্ঠানিকভাৱে অসমীয়াৰ পৰা স্পেনিজ ভাষালৈ অনূদিত এহ ‘বুঢ়ী আহৰ সাধু’ উন্মোচন কৰাৰ পাছতে এতিয়া বিশ্বৰ পঢ়ুৱৈ সমাজলৈ আগবঢ়াই দিছে৷ উল্লেখ্য যে ডুমডুমাৰ ডনবস্ক’ হাহসুকলৰ পৰা সুখ্যাতিৰে হাহসুকল শিক্ষান্ত পৰীক্ষাত উত্তীর্ণ হোৱা তন্ময় সোণোৱালে পৰৱর্তী সময়ত দিল্লীৰ জৱাহলাল নেহৰু বিশ্ববিদ্যালয়ত অধ্যয়ন কৰে৷ বৈদেশিক ভাষা–সাহিত্য বিষয়ত স্নাতকোত্তৰ ডিগ্রী লাভ কৰা তন্ময় সোণোৱালে দিল্লীৰ জৱাহৰলাল নেহৰু বিশ্ববিদ্যালয়ত অধ্যয়ন কৰি থকাৰ সময়তে বিভিন্ন দেশৰ ভাষা–সাহিত্য অধ্যয়ন কৰাৰ লগতে বিভিন্ন ভাষা জ্ঞান লাভ কৰিবলৈও সক্ষম হৈছিল৷ বিশেষ কেহবাখনো দেশৰ কেহবাটাও ভাষাৰ কথিত আৰু লিখিত জ্ঞান থকা তন্ময়ে ২০২০ চনৰ পৰাহ বিশ্বৰ তৃতীয় বহুল প্রচলিত স্পেনিজ ভাষাত ‘বুঢ়ী আহৰ সাধু’ৰ প্রতিটো সাধু অনুবাদ কৰাৰ কামত ব্রতী হৈছিল৷ প্রায় দুবছৰীয়া প্রচেষ্টাৰ অন্তত চলিত বর্ষৰ ৩০ আগষ্টত দিল্লীত আনুষ্ঠানিকভাৱে স্পেনিজ ভাষাত ‘বুঢ়ী আহৰ সাধু’ উন্মোচন কৰাৰ পাছত এতিয়া স্পেনিজ পঢ়ুৱৈ সমাজে আদৰি লোৱা বুলি জানিব পৰা গৈছে৷ দেশ তথা বিশ্বৰ ভিন্ন প্রান্তৰ আগশাৰীৰ কিতাপৰ বিপণীত এহ স্পেনিজ ভাষাত অনূদিত ‘বুঢ়ী আহৰ সাধু’ উপলব্ধ হোৱাৰ লগতে অনলাহন শ্বপিং এপ এমাজন আৰু ‘ফ্লীপ কার্ড’তো উপলব্ধ বুলি কিতাপখনৰ অনুবাদক তন্ময় সোণোৱালে জানিবলৈ দিছে৷ তন্ময় সোণোৱালৰ এহ প্রচেষ্টাক সোণোৱাল কছাৰী স্বায়ত্তশাসিত পৰিষদৰ প্রাক্তন কার্যবাহী সদস্য বিপুল সোণোৱালে শলাগ লোৱাৰ লগতে আজি ৰূপাহ বিষু নগৰস্থিত তেওঁৰ বাসগৃত গৈ গামোচাৰে সম্বর্ধনা জ্ঞাপন কৰে৷ উল্লেখ্য যে তন্ময় সোণোৱালে স্পেনিজ ভাষাত অনুবাদ কৰা ‘বুঢ়ী আহৰ সাধু’ত তন্ময়ৰ জ্যেষ্ঠ ভাতৃ ৰাজ সোণোৱালে এক সুন্দৰ বেটুপাত অংকন কৰি ৰাহজৰ মাজত আগবঢ়াহ দিছে৷