নিয়মীয়া বাৰ্তা, ১৭ এপ্ৰিলঃ ক’ৰোনাৰ বিৰুদ্ধে চলি অহা যুঁজখনত এগৰাকী যুদ্ধাৰ দৰে লাগি থকা স্বাস্থ্যমন্ত্ৰী ড০ হিমন্ত বিশ্ব শৰ্মাক মুকলিকৈ শলাগ ল’লে সাংসদ বদৰুদ্দিন আজমলে । ৰাষ্ট্ৰীয় ৱেব পৰ্টেল ‘কুইণ্ট’ৰ এক সাক্ষাৎকাৰত সাংসদ আজমলে ড০ হিমন্ত বিশ্ব শৰ্মা দৰে স্বাস্থ্যমন্ত্ৰীয়ে এবছৰত সম্পূৰ্ণ নোহোৱা কাম ৩ মাহত কৰিব পাৰে বুলিও শলাগ ল’লে ।
“তেওঁৰ দৰে স্বাস্থ্যমন্ত্ৰী সঁচাকৈ শলাগ ল’বলগীয়া ।”- সাংসদগৰাকীয়ে এইদৰে কয় ।
আনহাতে ক’ৰোনা ৰোগীৰ সৈতে নিজামুদ্দিনৰ তবলীগি জামাতৰ ঘটনা জড়িত হৈ পৰাৰ পৰিপ্ৰেক্ষিতত আজমলে এই ৱেব পৰ্টেলটোৰ সাক্ষাৎকাৰত জামাতৰ কিছু ভুল থকা বুলিও মন্তব্য কৰে ।
লগতে ৰমজানৰ তাৰাবী নামাজ মছজিদৰ পৰিৱৰ্তে ঘৰৰ পৰায়ে কৰাৰ আহ্বানো জনালে সাংসদ বদৰুদ্দিন আজমলে । আৰু সামাজিক দূৰত্ব বজাই ৰাখিবলৈও আহ্বান জনাই আজমলে ।