নিয়মীয়া বাৰ্তা, ১৯ ফেব্ৰুৱাৰী: মুখ্যমন্ত্রী ড০ হিমন্ত বিশ্ব শর্মাই ডিমা হাছাও জিলাৰ হাফলংস্থিত গোপীনাথ বৰদলৈ মেম’ৰিয়েল এল পি স্কুলত নৱনিৰ্মিত বাস্কেটবল ক’র্ট উদ্বোধন কৰে। ক’র্টখন ২০২১-২২ বৰ্ষৰ জিলা প্ৰাথমিক শিক্ষা খণ্ডৰ এছ অ’ পি ডি আঁচনিৰ অধীনত নিৰ্মাণ কৰা হৈছে। অনুষ্ঠানটোত মুখ্যমন্ত্রীয়ে বিদ্যালয়খনৰ শিক্ষক-শিক্ষয়িত্রীসকলৰ সৈতে বাৰ্তালাপতো অংশগ্রহণ কৰে।
উদ্বোধনী অনুষ্ঠানটিত মন্ত্রী পীযুষ হাজৰিকা আৰু উত্তৰ কাছাৰ পার্বত্য স্বায়ত্তশাসিত পৰিষদৰ মুখ্য কার্যবাহী সদস্য দেবোলাল গাৰ্লোছাও উপস্থিত আছিল।
ইয়াৰোপৰি আজি মুখ্যমন্ত্ৰী ড০ হিমন্ত বিশ্ব শৰ্মাই ডিমা হাছাও জিলাৰ দুঃসাহসিক পৰ্যটন ক্ষেত্ৰক এক অনন্য মাত্ৰা প্ৰদানৰ উদ্দেশ্যৰে হাফলঙৰ জয়া থাওছেন পাৰ্কত এটা জিপ লাইনিং উদ্বোধন কৰে। এই জিপ লাইনিং বিকাশৰ বাবে উত্তৰ কাছাৰ পাৰ্বত্য স্বায়ত্তশাসিত পৰিষদৰ তৎকালীন পুঁজিৰ পৰা ৪৫ লাখ টকা ব্যয় কৰা হৈছিল।