বাৰ্তা বুৰো, ২৫ আগষ্ট : মৰিগাঁও উচ্চতৰ মাধ্যমিক আৰু বহুমুখী বিদ্যালয়ত আজি ১৪ খনকৈ প্ৰাচীৰ পত্ৰিকা উন্মোচন কৰা হয়। মৰিগাঁও জিলাৰ আয়ুক্ত দেৱাশিস শৰ্মা, মৰিগাঁও জিলাৰ বিদ্যালয়সমূহৰ পৰিদৰ্শক বুলি গগৈ ভূঞা, জিলা সাহিত্য সভাৰ সভাপতি মহেন্দ্ৰ শইকীয়া, সম্পাদক ড° অচ্যুত কুমাৰ দাস প্ৰমুখ্যে কেইবাগৰাকীও বিশিষ্ট ব্যক্তিয়ে প্ৰাচীৰ পত্ৰিকাকেইখন উন্মোচন কৰে। আনহাতে, বিদ্যালয় পৰিচালনা আৰু উন্নয়ন সমিতিৰ সভাপতি প্ৰবীণ মেধিৰ সঞ্চালনাত অনুষ্ঠিত মুকলি সভাত উপস্থিত থাকি মৰিগাঁও জিলাৰ আয়ুক্ত দেৱাশিস শৰ্মাই সাৰগৰ্ভ বক্তব্য আগবঢ়াই ছাত্ৰ-ছাত্ৰীসকলক অনুপ্ৰাণিত কৰে। সভাত মৰিগাঁও জিলাৰ বিদ্যালয়সমূহৰ পৰিদৰ্শক বুলি গগৈ ভূঞা, মৰিগাঁও বহুমুখী উচ্চতৰ মাধ্যমিক বিদ্যালয়ৰ অধ্যক্ষ দিব্যজ্যোতি তামুলী, নগৰ চি আৰ চি চি যুৱ জ্যোতি শৰ্মা, প্ৰাক্তন শিক্ষক বুতেন চন্দ্ৰ নাথ, ৰমণী মহন্ত প্ৰমুখ্যে কেইবাগৰাকীও বিশিষ্ট ব্যক্তি উপস্থিত থাকে।
প্ৰেৰক প্ৰাঞ্জল দাস