নিয়মীয়া বাৰ্তা, ১৩ ফেব্ৰুৱাৰী : শিলচৰত চোৰৰ বিৰুদ্ধে আৰক্ষীৰ বৃহৎ অভিযান। কাছাৰ জিলা আৰক্ষী অধীক্ষক নোমল মাহাত্তাৰ নেতৃত্বত তিনিটা আৰক্ষীয়ে দলে কালি নিশা শিলচৰ চহৰত অভিযান চলাই ২১গৰাকী চোৰক কৰায়ত্ত কৰিবলৈ সক্ষম হয়। বুধবাৰৰ দিনা শিলচৰ সদৰ থানাত সাংবাদিকৰ মুখামুখি হৈ কাছাৰ জিলা আৰক্ষী অধীক্ষক নোমল মাহাত্তাই এই কথা সদৰি কৰিছে। তেওঁ কয়, স্থানীয় ৰাইজৰ অভিযোগৰ ভিত্তিত এ এছ পি (ক্ৰাইম) ৰ নিবিড় তত্বাৱধানত আৰু এছ তিনিটা বিশেষ দল গঠন কৰি এই অভিযানৰ নেতৃত্ব দিয়া হয়। তিনিটা দলে নিশা ১ বজাৰ পৰা তিনি ঘণ্টাৰ অভিযানত চোৰবোৰক কৰায়ত্ত কৰি বহুতো মূল্যৱান সামগ্ৰী উদ্ধাৰ কৰে। তেওঁ কয়,শিলচৰ আৰু ইয়াৰ আশে-পাশে বৃদ্ধি পোৱা চুৰি আৰু চুৰিৰ কাণ্ড ৰোধৰ বাবে কালি নিশাৰ পৰা পুৱালৈ এক বিশেষ অভিযান চলোৱা হয়। এই অভিযানত ৰাঙ্গিৰখাৰী, ৰংপুৰ, মালুগ্ৰাম, ঘুংগুৰ, ৰাষ্ট্ৰীয় ঘাইপথকে ধৰি বিভিন্ন অঞ্চলৰ পৰা ২১ জন চোৰ তথা অপৰাধীক গ্ৰেপ্তাৰ কৰা হয়। এই অভিযানত ডিএছপি হেড কোৱাৰ্টাৰ,ডিএছপি স্পেচাল ব্ৰাঞ্চ আৰু ডিএছপি বৰ্ডাৰ নেতৃত্বত থকা এই দলসমূহত অন্যান্য বিষয়াৰ সৈতে টি এছ আইকে ধৰি তিনিজন পৰিদৰ্শক আছিল। অভিযান সন্দৰ্ভত সম্যক ব্রিফিং লাভ কৰাৰ পাছত দলসমূহে সফলতাৰে বিশেষ অভিযান চলাইছিল, ফলত একাধিক স্থানৰ পৰা ২১জন অপৰাধীক গ্ৰেপ্তাৰ কৰা হৈছে অপৰাধী সকল হ’ল বিপন উদ্দিন মজুমদাৰ ওৰফে লাল, বেৰেঙ্গা, ৰিয়াজ উদ্দিন মজুমদাৰ, আজিম উদ্দিন লস্কৰ ওৰফে কালা বেথুকান্দি, ৰানা মিয়া ওৰফে কালোন মধুৰবন্দ ,বিনোদ দাস কালিবাৰী চৰ দুলাল উদ্দিন খান মধুৰবন্দ, বিশাল সাহা বিলপাৰ পদ্মনগৰ, ৰনি ৰয় শৰতপল্লী, কৃষ্ণ মণ্ডী দাস কুমাৰঘাট, ত্ৰিপুৰা, বাপ্পন লস্কৰ বয়স , অম্বিকাপুৰ, বিষ্ণু নুনিয়া ফকিৰৰ্টিলা, বিজয় দাস মেহেৰপুৰ, তপশ দাস শিশু মন্দিৰ ৰোড, আমিন উদ্দিন বৰলস্কৰ, শ্ৰীকোনা, ইছাদ আলী, শ্ৰীকোনা, চালায়ে আহমেদ বৰভূঞা ছালচাপ্ৰা গ্ৰাণ্ট, ইছলাম উদ্দিন বৰভূঞা তাৰাপুৰ পঞ্চম খণ্ড, মনু লস্কৰ ৰামকৃষ্ণ পল্লী মালুগ্ৰাম, জাকিৰ হুছেইন লস্কৰ, কাশীপুৰ। তেওঁলোকৰ হাতৰ পৰা উদ্ধাৰ হোৱা চুৰি হোৱা সামগ্ৰী- ই-ৰিষ্কা বেয়াৰিং এল ই ডি টিভি, সাতটা মোবাইল ফোন, তিনিটা কীপেড মোবাইল ফোন, ২টা চিলিং ফেন, ৪টা তামৰ পাইপ, ১ কেজি পিতলৰ তাঁৰ, ৩টা পানীৰ টেপ, ৭ টা সোণালী ৰঙৰ বেংগল, লোহাৰ চাদৰ লোহাৰ ওজনৰ মেচিন ইত্যাদি। ড্ৰাইভৰ সময়ত তেওঁলোকৰ হাতৰ পৰা কেইবাটাও চুৰি বুটি উদ্ধাৰ কৰা হয় যিবোৰ বিএনএছএছৰ বিধান অনুসৰি যথাযথভাৱে জব্দ কৰা হয়। অভিযুক্ত ব্যক্তিসকলক ভালদৰে জেৰা কৰি আদালতলৈ প্ৰেৰণ কৰা হ’ব বুলি আৰক্ষী অধীক্ষক নোমল মাহাত্তাই জানিবলৈ দিয়ে।
প্ৰেৰক গৌতম তালুকদাৰ