ৰূপহীহাটত বাহনসহ ৪০টাকৈ চোৰাং গৰু জব্দ

নিয়মীয়া বাৰ্তা, ২১ ডিচেম্বৰঃ ৰূপহীহাট আৰক্ষীয়ে চোৰাং গৰুৰ সৰবৰাহৰ বিৰুদ্ধে চলায় এক অভিযান। ৰূপহীহাটৰ ফাঁকলীত অভিযান চলাই ৪০টাকৈ চোৰাং গৰুভৰ্তি বাহন জব্দ কৰে আৰক্ষীয়ে। বহি:ৰাজ্যলৈ সৰবৰাহ কৰাৰ সময়তে আৰক্ষীয়ে গোপন সূত্ৰৰ পম খেদি গৰুভৰ্তি বাহনসহ আটক কৰে চালক হেণ্ডিমেনক। ঘেঁহুৱা চলচলিৰ জাহাঙ্গীৰ নামৰ লোকজনে বহি:ৰাজ্য শ্বিলঙলৈ অবৈধভাৱে গৰু সৰবৰাহ কৰা সময়তে আৰক্ষীয়ে গৰুভৰ্তি বাহনসহ তৌফিক আলী আৰু ৰশীদুল ৰহমান নামৰ দুজনক আটক কৰে। এএছ-০১-পিচি-৩০১৩ নম্বৰৰ বাহনত ৪০টাকৈ গৰুৰ ভৰি বান্ধি সৰবৰাহ কৰাৰ সময়তে জব্দ কৰে।ৰূপহীহাট আৰক্ষীয়ে জব্দকৃত গৰুকেইটা গৌ-শালালৈ প্ৰেৰণ কৰে।