নিয়মীয়া বাৰ্তা, ২৫ আগষ্ট : ওদালগুৰি জিলাৰ মাজবাটত তিনি সন্তানৰ এগৰাকী মাতৃ নিৰুদ্দেশ হৈছে । পৰিয়ালৰ লোকে জানিবলৈ দিয়া মতে, মাজবাট থানা এলেকাৰ পাঁচনৈ খুঁটি গাঁৱৰ শংকৰ ঘাটোৱাৰৰ পত্নী মণিকা ঘাটোৱাৰ (৩৫) ১৭ আগষ্টৰ নিশা ২ মান বজাত বিছনাত শুই থকাৰ পৰা সন্ধানহীন হয়। পৰিয়ালৰ লোকে বহু বিচাৰ-খোঁচাৰ কৰিও মহিলাগৰাকীৰ কোনো শুংসূত্ৰ নোপোৱাত এই সম্পৰ্কে লিখিতভাৱে মাজবাট আৰক্ষীক জনায় । কোনো সদাশয় লোকে মহিলাগৰাকীৰ সন্ধান পালে ওচৰৰ আৰক্ষী থানা অথবা ৮০৯৯৭৬৭৩১৯ নম্বৰত জনাবলৈ নিৰুদ্দিষ্ট মহিলাগৰাকীৰ স্বামী শংকৰ ঘাটোৱাৰে অনুৰোধ জনাইছে ।
প্ৰেৰক ধীৰেন মহলীয়া