নিয়মীয়া বাৰ্তা, ১১ অক্টোবৰঃ নগৰবেৰাৰ টুপামাৰী অঞ্চলৰ পৰা এগৰাকী বিশেষভাৱে সক্ষম, মূকবধিৰ যুৱক সন্ধানহীন হোৱাক কেন্দ্ৰ কৰি চাঞ্চল্য বিয়পিছে অঞ্চলজুৰি। টুপামাৰী গাওঁৰ হাসেম আলীৰ পুত্ৰ ২৬ বছৰীয়া আবুবক্কাৰ ছিদ্দিক ওৰফে আমিৰ হামজা নামৰ যুৱকজন যোৱা ৬ অক্টোবৰৰ পুৱা প্ৰায় দহ বজাৰ পৰা মন্দিৰা পাম ঘৰৰ পৰা নিৰুদ্দেশ হয়। যুৱকজন নিৰুদ্দেশ হোৱাত পৰিয়ালটোৰ লগতে গাঁওবাসীও চিন্তিত হৈ পৰে। বহু বিচাৰ-খোঁচাৰ কৰিও এই মুহূৰ্তলৈ যুৱকজনৰ কোনো সম্ভেদ উলিয়াব পৰা নাই। পৰিয়ালৰ লোকে ইতিমধ্যে মন্দিৰা আৰক্ষী চকীত লিখিতভাৱে জনাইছে যদিও বাতৰি যুগুতোৱা পৰলৈ কোনো সন্ধান পোৱা নাই যুৱকজনৰ। কোনো সদাশয় লোকে যুৱকজনৰ কিবা সন্ধান পালে স্থানীয় আৰক্ষী অথবা ৮৬৩৮৯-৯৭৮৪২ নম্বৰত যোগাযোগ কৰিবলৈ কাতৰ আহ্বান জনাইছে পৰিয়ালৰ লোক তথা গাঁওবাসীয়ে |
প্ৰেৰক সঞ্জীৱ কুমাৰ দাস