নিয়মীয়া বাৰ্তা, ১৫ জুন : ইণ্ডিয়ান আৰ্মীৰ জয়পুৰ বেটেলিয়নৰ উদ্যোগত আৰু অসম বেডমিন্টন সন্থাৰ উদ্যোগত ডিব্ৰুগড়ৰৰ চৌকিডিঙী খেলপথাৰত ১৯ জুনৰ পৰা ২২ জুনলৈ অনুষ্ঠিত হ’ব ফাৰ্ষ্ট ৰেড চিল্ড আছাম বেডমিন্টন টুৰ্ণামেন্ট৷ চাৰিদিনীয়াকৈ অনুষ্ঠিত হ’বলগীয়া এই টুৰ্ণামেন্টত অংশগ্ৰহণৰ লগতে খেলুৱৈসকলক উৎসাহ জনোৱাৰ উদ্দেশ্যে কালি “Red Shield Assam Badminton Tournament”ৰ ট্ৰফী প্ৰদৰ্শনী উদ্বোধনী অনুষ্ঠান অনুষ্ঠিত হয়৷ নাজিৰা খেলপথাৰত অনুষ্ঠিত অনুষ্ঠানত সেনাবাহিনীৰ জয়পুৰ বেটেলিয়নৰ কেইবাগৰাকী সেনা বিষয়া. বিদ্যালয়ৰ শিক্ষক, ছাত্ৰ ছাত্ৰী উপস্থিত থাকে৷ অনুষ্ঠানত ট্ৰফী প্ৰদৰ্শনৰ লগতে স্থানীয় নাজিৰা ছোৱালী হাইস্কুলৰ ছাত্ৰ-ছাত্ৰীসকলে বিহু হুঁচৰি প্ৰদৰ্শন কৰাৰ লগতে একাংশ ছাত্ৰীয়ে সুন্দৰ দেশপ্ৰেমমূলক গীত পৰিবেশন কৰি সকলোকে আপ্লুত কৰে ৷ উল্লেখ্য যে ল’ৰা ছোৱালীৰ একক শাখাত ১৭ বছৰ অনুৰ্দ্ধৰ আৰু ১৭ বছৰ উৰ্দ্ধৰ এই টুৰ্নামেণ্ট ডিব্ৰুগড়ত অহা ১৯ জুনৰ পৰা অনুষ্ঠিত হ’ব।
প্ৰেৰক নেকিব আহমেদ