নিয়মীয়া বাৰ্তা, ১১ ছেপ্টেম্বৰঃ স্বাস্থ্যমন্ত্ৰী ড০ হিমন্ত বিশ্ব শৰ্মাই টুইটযোগে উল্লেখ কৰিছে ক’ভিড–১৯ক লৈ ৰাজ্য চৰকাৰে লোৱা দুটা গুৰুত্বপূৰ্ণ সিদ্ধান্ত। মন্ত্ৰীগৰাকীয়ে ঘোষণা কৰা অনুসৰি, ৰাজ্য চৰকাৰে কোনো লোকে অসমৰ বাহিৰলৈ গৈ যদি ৯৬ ঘণ্টাৰ ভিতৰত ঘূৰি আহে, তেন্তে লোকজনক কোৱাৰেণ্টাইন কৰা নহ’ব। পূৰ্বতে এই সময় আছিল ৩৬ ঘণ্টা।
ইয়াৰ লগতে আন এক ঘোষণা দিছে স্বাস্থ্য বিভাগে। ক’ভিড–১৯ত আক্ৰান্ত হৈ মৃত্যু হোৱা লোকৰ শেষকৃত্যৰ বাবে চৰকাৰে আগবঢ়াব ৫০০০কৈ টকা। এনে সাহায্য তেওঁলোকৰ ক্ষেত্ৰতহে প্ৰযোজ্য হ’ব যিটো পৰিয়ালে মৃত লোকজনৰ মৃতদেহ চমজি নলয় বা খৰচ বহন কৰিবলৈ সক্ষম নহয়। এন এইচ এমৰ পৰা এই খৰচ বহন কৰা হ’ব বুলি স্বাস্থ্যমন্ত্ৰীগৰাকীয়ে উল্লেখ কৰে।
2 decisions by Health Dept on #Covid19
A. In view of #unlock4guidelines a person who travels outside Assam & returns within 96 hrs will not be quarantined subject to conditions in attached order
B. Upto Rs 5000 towards cremation of #Covid patients if family unable to bear cost pic.twitter.com/3A3LnoMoY2
— Himanta Biswa Sarma (@himantabiswa) September 10, 2020