বিশেষ বাৰ্তা, ২৮ অক্টোবৰঃ অসম আৰক্ষীৰ পতাকা দিৱস ২১ অক্টোবৰৰ পৰা ৩১ অক্টোবৰলৈ উদযাপন কৰি থকা হৈছে। তাৰেই এক অংশস্বৰূপে তিতাবৰৰ অসম আৰক্ষী বেটেলিয়নৰ উদ্যোগত আৰু যোৰহাট আৰক্ষীৰ সহযোগত মৰিয়নিৰ একাধিক স্থানত বেণ্ড প্ৰদৰ্শন কৰা হয়। মৰিয়নিৰ থানা তিনিআলিত তিতাবৰৰ তৃতীয় অসম আৰক্ষীৰ বেটেলিয়নৰ জোৱানসকলে আকৰ্ষণীয় বেণ্ড পৰিবেশন কৰি সকলোকে আপ্লুত কৰে। এই কাৰ্য্যসূচীত মৰিয়নি থানাৰ ভাৰপ্ৰাপ্ত বিষয়া ত্ৰিলোচন নাথ, উপ-পৰিদৰ্শক নলিনী কোচ, তৃতীয় অসম আৰক্ষী বাহিনীৰ পৰিদৰ্শক বলিন দাস আদি উপস্থিত থাকি সহযোগিতা আগবঢ়ায় ।
প্ৰেৰক দিব্যজ্যোতি শইকীয়া