নিয়মীয়া বাৰ্তা, ৭ ফেব্ৰুৱাৰী কালি ধুবুৰীৰ ৰজা প্ৰভাত চন্দ্ৰ বৰুৱা খেলপথাৰত অখিল ভাৰতীয় বিদ্যাৰ্থী পৰিষদ (অ.ভা.বি.প.)ৰ ধুবুৰী জিলাৰ উদ্যোগত দিনযোৰা কাৰ্য্যসূচীৰে আয়োজন কৰা হৈছে এখন ছাত্ৰ সন্মিলনৰ। ধুবুৰী জিলা ভিত্তিক সেই ছাত্ৰ সন্মিলনখনত মুখ্য অতিথিৰূপে গুৱাহাটী বিশ্ববিদ্যালয়ৰ উপ-পৰীক্ষা নিয়ন্ত্ৰক ডঃ দেৱহৰি তালুকদাৰ উপস্থিত থকাৰ বিপৰীতে বিশিষ্ট অতিথিৰূপে উপস্থিত থাকিব ধুবুৰী জিলাৰ উপায়ুক্ত দিৱাকৰ নাথ। কাৰ্য্যসূচী অনুসৰি কাইলৈ পুৱা ৯ বজাত ৰজা প্ৰভাত চন্দ্ৰ বৰুৱা খেলপথাৰত পতাকা উত্তোলেনেৰে ছাত্ৰ সন্মিলনখনৰ শুভাৰম্ভ ঘটিব। পুৱা ১০ বজাত উদঘাটন সত্ৰ কাৰ্যসূচীৰ পিছত পুৱা ১১-৩০ বজাত খেল পথাৰখনৰ পৰা উলিওৱা হ’ব এক শোভাযাত্ৰা। কাইলৈ দুপৰীয়া ১ বজাত অনুষ্ঠিত হ’ব ছাত্ৰ সন্মিলনখনৰ মুকলি সভা। তাৰপিছত বিয়লি ৩-২০ বজাৰ পৰা অনুষ্ঠিত হ’বলগীয়া সাংস্কৃতিক অনুষ্ঠানৰ অন্তত “বন্দে মাতৰম” সংগীত পৰিবেশনেৰে কাইলৈ অনুষ্ঠিত হ’বলগীয়া অ.ভা.বি.প.ৰ সেই ছাত্ৰ সন্মিলনখনৰ সমাপ্তি ঘটিব।
#অমিতাভ চক্ৰৱৰ্তী