নিয়মীয়া বাৰ্তা, ২৩ জানুৱাৰী : ভৱানীপুৰত ভৱানীপুৰ উচ্চতৰ মাধ্যমিক বিদ্যালয় খেলপথাৰত আজিৰে পৰা অনুষ্ঠিত হৈছে সাদিনীয়া পহুমাৰা মহোৎসৱ। উল্লেখ্য যে পহুমাৰা মহোৎসৱত আজি দিনৰ এঘাৰ বজাৰ পৰা ভৱানীপুৰত উলিওৱা হয় সাংস্কৃতিক শোভাযাত্ৰা। সাংস্কৃতিক শোভাযাত্ৰা উদ্বোধন কৰে বিটিআৰৰ কাৰ্যবাহী সদস্য গৌতম দাসে। সাংস্কৃতিক শোভাযাত্ৰা উদ্বোধনী অনুষ্ঠানত ভৱানীপুৰৰ বিধায়ক ফনীধৰ তালুকদাৰ, মঞ্চ আৰু চলচিত্ৰ জগতৰ অভিনেত্ৰী পিংকি শৰ্মা, ভৱানীপুৰ আঞ্চলিক পঞ্চায়তৰ সভাপতি বুদ্ধদেৱ পাটগিৰিয়ে সাংস্কৃতিক শোভাযাত্ৰাত অতিথিৰূপে উপস্থিত থাকি বক্তৃতা প্ৰদান কৰে। সাংস্কৃতিক শোভাযাত্ৰাত ভিন্ন অসমীয়া সংস্কৃতি প্ৰদৰ্শন কৰা হয়। উল্লেখ্য যে পহুমাৰা মহোৎসৱত আৰম্ভণিতে পুৱাৰ ভাগত ভৱানীপুৰৰ হেপী ক্লাবৰ উদ্যোগত অনুষ্ঠিত পৰিবেশ নিকাকৰণ, গছপুলি ৰোপণ, পতাকা উত্তোলন, শ্বহীদ তৰ্পণ কাৰ্যসূচী ৰূপায়িত হয়। সন্ধিয়া দেশৰ ২১গৰাকী বৰেণ্য ব্যক্তিৰ সোঁৱৰণত তেওঁলোকৰ প্ৰতিচ্ছৱিৰ সন্মুখত বন্তি প্ৰজ্বলন কৰে ভৱানীপুৰ অঞ্চলৰ ২১গৰাকী বিশিষ্ট ব্যক্তিয়ে। ভৱানীপুৰৰ প্ৰয়াত সমাজকৰ্মী তথা পহুমাৰা মহোৎসৱৰ পূৰ্বৰ সভাপতি ভৈৰৱেন্দ্ৰ শৰ্মাৰ সামাজিক অৱদানক সুৱৰি প্ৰয়াত শৰ্মাৰ প্ৰতিচ্ছৱিৰ সন্মুখত বন্তি প্ৰজ্বলন কৰে উদযাপন সমিতিৰ সভাপতি হিতেন্দ্ৰনাথ ডেকাই। সন্ধিয়া মহোৎসৱ উদযাপন সমিতিৰ যুটীয়া সম্পাদক দিপাংকৰ দাসে আত ধৰা মুখপত্ৰ উন্মোচনী সভাত নিজ ভৱানীপুৰ জিলা পৰিষদ সমষ্টিৰ সদস্য ৰাসিনা সৰকাৰ ইছলাম,অৱসৰী কৃতী শিক্ষক অজিৎ কুমাৰ চৌধুৰী,বাবুল ডেকা,মহিধৰ তালুকদাৰ, সমাজকৰ্মী ৰবেন মেধি, বিপুলকৃষ্ণ দাস,মামণি পাটগিৰি,শৰৎ ডেকা,সুভাষ তালুকদাৰ,কমল কুমাৰ ডেকা, নিজ ভৱানীপুৰ গাওঁ পঞ্চায়তৰ কাউন্সিলৰ সুভদ্ৰা মণ্ডল, ভৱানীপুৰ শংকৰদেৱ শিশু নিকেতনৰ প্ৰধান আচাৰ্য গোপাল বায়ন, সাংবাদিক ৰাজীৱ তালুকদাৰে অতিথিৰূপে উপস্থিত থাকি অতিথিবৃন্দই মুখপত্ৰ ‘পহুমৰা’ উন্মোচন কৰে। উন্মোচনী সভাত অতিথি ৰাসিনা সৰকাৰ ইছলাম আৰু অজিৎ কুমাৰ চৌধুৰীয়ে বক্তৃতা প্ৰদান কৰে। নিশা নৃত্য প্ৰতিযোগিতা অনুষ্ঠিত হয়।
প্ৰেৰক ভূষণ তালুকদাৰ