🔴নাচিবলৈ অনা বিহু দল দুটিয়ে মাননি বিচাৰি ৰাজীৱ ভৱনত লগাইছে হাহাকাৰ
🔴মধ্যপ্ৰদেশ, ৰাজস্থান আৰু ছত্তিশগড়ত বিজেপিৰ চৰকাৰ!
বিশেষ বাৰ্তা, ৩ ডিচেম্বৰঃ দেশৰ চাৰি ৰাজ্যৰ ভোট গণনা অব্যাহত আছে। ইয়াৰ মাজতে প্ৰদেশ কংগ্ৰেছৰ সভাপতি ভূপেন বৰাক ইতিকিং কৰিছে মন্ত্ৰী জয়ন্ত মল্ল বৰুৱাই। বৰুৱাৰ মন্তব্য- কংগ্ৰেছ দলৰ বিজয় উদযাপন কৰিবলৈ প্ৰদেশ কংগ্ৰেছৰ সভাপতি ভূপেন বৰাই যোৱাকালিয়ে আনি থোৱা ফটকাসমূহ মনে মনে শৌচাগাৰৰ টেংকীত পেলাই দিছে আৰু বিজয় উৎসৱত নাচিবলৈ অনা বিহুদল দুটিয়ে মাননি বিচাৰি ৰাজীৱ ভৱনত হাহাকাৰ লগাইছে। এই মন্তব্য আজি সামাজিক মাধ্যমযোগে কৰিছে মন্ত্ৰীগৰাকীয়ে। প্ৰদেশ কংগ্ৰেছৰ সভাপতিগৰাকীৰ এই কাণ্ডক অস্বাভাৱিক উদযাপনৰ ৰণনীতি বুলি কটাক্ষ কৰে মন্ত্ৰীগৰাকীয়ে। শেহতীয়াকৈ এই ভোট গণনাই ৰাজ্যসমূহত বিজেপিৰ বাবে এক গুৰুত্বপূৰ্ণ নেতৃত্বৰ ইংগিত দিয়ে। মধ্যপ্ৰদেশ, ৰাজস্থান আৰু ছত্তিশগড় গেৰুৱা দলৰ ফালে আগবাঢ়িছে জনতাৰ ৰায়। লগতে সকলোৱে মিজোৰাম নিৰ্বাচনৰ ফলাফলৰ বাবে আগ্ৰহেৰে অপেক্ষা কৰি আছে। খ্ৰীষ্টান সংখ্যাগৰিষ্ঠ ৰাজ্যখনত দেওবাৰে পালন কৰা প্ৰাৰ্থনাৰ প্ৰতি সন্মান জনাই ৪ ডিচেম্বৰত ভোট গণনাৰ দিন ধাৰ্য কৰা হৈছে।
#বাৰ্তা ডেস্ক