বিশেষ বাৰ্তা, ১৪ মাৰ্চ : নগাঁও জিলা বিজেপিৰ কাৰ্যালয়ত আজি এক যোগদান কাৰ্যসূচী অনুষ্ঠিত হয়। নগাঁৱৰ খাগৰিজান মহাবিদ্যালয়, জুৰীয়া মহাবিদ্যালয়ৰ ছাত্র একতা সভাৰ বহুকেইজন বিষয়ববীয়াৰ লগতে আছু, এন এছ ইউ আইৰ বহুকেইজন সদস্যই বিজেপিত যোগদান কৰে। নগাঁও জিলা বিজেপিৰ যুৱ মৰ্চাৰ সভাপতি সুন্দৰ শৰ্মাৰ নেতৃত্বত অনুষ্ঠিত এই যোগদান সমাৰোহত নগাঁৱৰ বিধায়ক ৰূপক শৰ্মা ,নগাঁও সংসদীয় সমষ্টিৰ বিজেপি প্ৰাৰ্থী সুৰেশ বৰাসহ বিজেপিৰ স্থানীয় নেতাসকলে অংশগ্ৰহণ কৰে। বিজেপি নেতাসকলে সংবাদ মাধ্যমৰ আগত কয় যে এইবাৰ বিজেপিৰ অভিলেখসংখ্যক সাংসদ জয়ী হৈ নৰেন্দ্ৰ মোদীৰ নেতৃত্বত বিজেপিৰ চৰকাৰ হ’ব। লগতে তেওঁলোকে কংগ্ৰেছ আৰু নগাঁৱৰ কংগ্ৰেছ প্ৰাৰ্থী প্ৰদ্যুৎ বৰদলৈক সমালোচনা কৰি কয় যে এইবাৰ নগাঁৱত বিজেপি প্ৰাৰ্থী বিপুল ভোটত জয়ী হব।
প্ৰেৰক কনক হাজৰিকা