নিয়মীয়া বাৰ্তা, ১৯ জানুৱাৰী : মৰিগাঁও জিলাৰ লাহৰীঘাটৰ বৰিবন্ধাত অনুষ্ঠিত হোৱা ম’হ যুঁজত অঘটন। ম’হ যুঁজ উপভোগ কৰি থকা অৱস্থাত গোনা ম’হৰ আক্ৰমণত গুৰুতৰভাৱে আহত u/ এজন লোক । আহত লোকজনৰ নাম শৰৎ চন্দ্ৰ নাথ। আহত শৰৎ চন্দ্ৰ নাথ ধিং নিয়ন্ত্ৰিত বজাৰ সমিতিৰ কৰ্মচাৰী বুলি জানিব পৰা গৈছে। গুৰুতৰভাৱে আহত শৰৎ চন্দ্ৰ নাথক লগে লগে চিকিৎসালয়লৈ নিয়াৰ ব্যৱস্থা কৰে। আহত ব্যক্তিগৰাকী সম্প্ৰতি চিকিৎসাধীন অৱস্হাত আছে। উল্লেখ্য যে বৰিবন্ধাত আজি অনুষ্ঠিত হয় ৬২সংখ্যক ম’হ যুঁজ প্ৰতিযোগিতা। বৰিবন্ধা ম’হ যুঁজ সমিতিয়ে চৰকাৰী নিয়ম মতে ম’হ যুঁজ অনুষ্ঠিত কৰাৰ পিছতো যুঁজ উপভোগ কৰি থকা এজন দৰ্শকক গোনা ম’হে আক্ৰমণ কৰি গুৰুতৰভাবে আহত কৰা ঘটনাই অঞ্চলজুৰি তীব্ৰ চাঞ্চল্যৰ সৃষ্টি কৰিছে।
প্ৰেৰক আবুল কালাম