নিয়মীয়া বাৰ্তা, ১২ জুনঃ মুখ্যমন্ত্ৰী ড০ হিমন্ত বিশ্ব শৰ্মাই আজি কামৰূপ জিলাৰ আমিনগাঁওস্থিত ৰাজীৱ গান্ধী ইণ্ড’ৰ ষ্টেডিয়াম পৰিদৰ্শন কৰি ক্ৰীড়া ছাত্ৰাৱাস আৰু যুৱ ছাত্ৰাৱাস নিৰ্মাণকে ধৰি ষ্টেডিয়ামখনত অব্যাহত থকা আধুনিকীকৰণ প্ৰকল্পসমূহৰ কাম-কাজৰ বুজ লয়।
লগতে তেখেতে নৱনিৰ্মিত উপায়ুক্ত কাৰ্যালয় পৰিদৰ্শন কৰি পুৰণি উপায়ুক্ত কাৰ্যালয় ভৱনটো ভাঙি এখন বাগিচাসহ অন্যান্য বিভাগসমূহৰ এটা সমন্বিত কাৰ্যালয় ভৱন স্থাপনৰ পৰিকল্পনা যুগুত কৰিবলৈও নিৰ্দেশ দিয়ে।
আনহাতে মুখ্যমন্ত্ৰীয়ে উপায়ুক্ত কাৰ্যালয়ৰ সন্মুখত অৱস্থিত পুখুৰীৰ উন্নয়নৰ বাবেও পদক্ষেপ গ্ৰহণ কৰিবলৈ নিৰ্দেশ প্ৰদান কৰে।