নিয়মীয়া বাৰ্তা, ৮ মাৰ্চঃ নগৰবেৰাৰ মালঞ্চা গাঁৱত বৃহস্পতিবাৰে সকলোকে কন্দুৱাই জটিল ৰোগত আক্ৰান্ত হৈ অকালতে গুচি গ’ল এটি কিশোৰ। গাঁওখনৰ ভাৰত পাঠকৰ দ্বিতীয় সন্তান কুলদীপ পাঠক উচ্চতৰ মাধ্যমিক প্ৰথম বৰ্ষৰ ছাত্ৰ আছিল। দীৰ্ঘদিনৰ পৰা বৃক্ক ৰোগত আক্ৰান্ত হৈ চিকিৎসাধীন হৈ থকাৰ মাজতেই নিজ গৃহত শেষ নিশ্বাস এৰে। অতি দুখীয়া পৰিয়ালৰ সন্তান নিৰ্জু স্বভাৱৰ কুলদীপ পাঠকৰ এই অকাল বিয়োগত অঞ্চলজুৰি শোকৰ ছাঁ পৰিছে। দুঃসংবাদটো পোৱা মাত্ৰেই বন্ধুমহলৰ উপৰি বহু আত্মীয়-স্বজন তথা ৰাইজে পৰিয়ালটোত ভিৰ কৰে।
প্ৰেৰক সঞ্জীৱ কুমাৰ দাস