নিয়মীয়া বাৰ্তা ডিজিটেল, ২৫ জানুৱাৰীঃ মুখ্যমন্ত্ৰী ড০ হিমন্ত বিশ্ব শৰ্মাই আজি অসমত ৰাহুল গান্ধীৰ নেতৃত্বত চলি থকা ভাৰত জোড়ো ন্যায় যাত্ৰাক লৈ প্ৰতিক্ৰিয়া প্ৰকাশ কৰে। ৰাহুল গান্ধীক লক্ষ্য কৰি তেওঁ ক’লে, ৰাহুলৰ যাত্ৰা কি আছিল? ইয়াৰ সময় চাওক। এই যাত্ৰাৰ অসমত সাম্প্ৰদায়িক সংঘৰ্ষৰ উচটনি দিয়া হৈছিল। মুখ্যমন্ত্ৰী ড০ শৰ্মাই কয় যে আটাইতকৈ পুৰণি দলটো গান্ধীবাদী দৰ্শনৰ পৰা আঁতৰি কোমল নক্সাল হৈ পৰাৰ বাবেই কংগ্ৰেছৰ আত্মাক হত্যা কৰা হৈছে। মুখ্যমন্ত্ৰী ড০ শৰ্মাই কয়, আমি গুৱাহাটীত ইয়াৰ আভাস পাইছিলোঁ। ৰাম মন্দিৰ অভিষেকৰ সময়ত ৰাজ্যত সংঘাতৰ সৃষ্টি হৈছিল। কিন্তু আমাৰ দলৰ মানুহ আৰু ৰামভক্তসকলে নিজকে নিয়ন্ত্ৰণত ৰাখিছিল। তেওঁলোকে অসমত কোনো অশুভ কাম হ’বলৈ নিদিলে। ৰাহুল গান্ধীক কব খুজিছোঁ, লোকসভা নিৰ্বাচনত আপোনাৰ অহংকাৰৰ উত্তৰ অসমৰ ৰাইজে দিব। আজি আপোনালোকক এই প্ৰতিশ্ৰুতি দিছো– অসমত কংগ্ৰেছে আৰু কম আসন পাব আৰু আমি তেওঁলোকক ভাল ব্যৱধানত পৰাস্ত কৰিম। আজি আপোনাক এই কথা প্ৰতিশ্ৰুতি দিছো। ইয়াৰ পূৰ্বে ড০ শৰ্মাই বুধবাৰে লোকসভা নিৰ্বাচনৰ পিছত ৰাহুল গান্ধীক গ্ৰেপ্তাৰ কৰা হ’ব বুলি কৈছিল। তেওঁ কৈছিল, আমি এফআইআৰ পঞ্জীয়ন কৰিছো। বিশেষ তদন্তকাৰী দলে তদন্ত কৰিব আৰু লোকসভা নিৰ্বাচনৰ পিছত ৰাহুল গান্ধীক গ্ৰেপ্তাৰ কৰা হ’ব। আমি যদি এতিয়াই এই কাম কৰো তেন্তে কংগ্ৰেছে ইয়াক ৰাজনৈতিক প্ৰতিশোধৰ বাবে লোৱা একচন বুলি ক’ব।