নিয়মীয়া বাৰ্তা, ৫ মেঃ কালিৰে পৰা দুদিনীয়া কাৰ্যসূচীৰে অনুষ্ঠিত কৰা দক্ষিণ ঘিলামৰা দ্বাদশ বাৰ্ষিক ৰঙালী বিহু সন্মিলনখনিৰ আজি দ্বিতীয় দিনা আয়োজন কৰা বৰ্ণাঢ্য সাংস্কৃতিক শোভাযাত্ৰাত অংশগ্ৰহণ কৰে অভিনেত্ৰী ভ্ৰান্তি মেধিয়ে । বৰ অসমৰ ঐক্য আৰু সংহতিৰ বাৰ্তা কঢ়িয়াই বিভিন্ন জাতি জনগোষ্ঠীৰ সাংস্কৃতিক অনুষ্ঠান পৰিবেশন কৰি শোভাযাত্ৰাটি বৰ্ণাঢ্য কৰি তোলে । সমন্বয়ৰ প্ৰতীক স্বৰূপ জনগোষ্ঠীয় কৃষ্টি দলসমূহে বাৰেৰহণীয়া সাংস্কৃতিক বেশভূষাৰে উলিওৱা সাংস্কৃতিক শোভাযাত্ৰাত অংশগ্ৰহণ কৰি অভিনেত্ৰী ভ্ৰান্তি মেধিয়ে আনন্দ উলাহে জাতিটোৰ অস্তিত্ব ম্লান পৰিবলৈ নিদিয়াকৈ সকলো ৰাইজক বিহু উদযাপন কৰিবলৈ আহ্বান জনায় ।
প্ৰেৰক ৰাজেশ কুমাৰ বুঢ়া গোহাঞি