নিয়মীয়া বাৰ্তা, ২৯ নৱেম্বৰঃ টেঙাখাত থানাৰ অন্তৰ্গত মাটিয়েখানা গাঁৱৰ লোহিত গগৈৰ পত্নী পৰী গগৈ যোৱা ২৪ নৱেম্বৰৰ পৰা সন্ধানহীন হৈ থকাত অঞ্চলটোত চাঞ্চল্যৰ সৃষ্টি হৈছে ৷ তিনিটা সন্তানৰ মাতৃ পৰী গগৈ তিনিচুকীয়ালৈ বুলি যোৱা ২৪ নৱেম্বৰৰ দিনৰ প্ৰায় ১২.৩০ বজাত ঘৰৰ পৰা ওলাই যোৱাৰ দিন ধৰি সন্ধানহীন হৈ আছে বুলি জানিব পৰা গৈছে ৷ পৰিয়ালৰ লোকে বিভিন্ন ঠাইত বিচাৰ কৰি মহিলাগৰাকীৰ সন্ধান উলিয়াব পৰা নাই ৷ ইতিমধ্যে পৰিয়ালৰ লোকে এই বিষয়ে সবিশেষ জনাই টেঙাখাত থানাত এজেহাৰ দাখিল কৰিছে ৷ কোনো সদাশয় লোকে সন্ধান পালে ৭৩৯৯২০১২৪৯ নম্বৰত যোগাযোগ কৰিবলৈ পৰিয়ালৰ লোকে আহ্বান জনাইছে ৷
প্ৰেৰক দীপক গগৈ