নিয়মীয়া বাৰ্তা, ২৮ জুনঃ কাৰ্বি আংলঙৰ চকীহোলা আৰক্ষী আৰু সেনাৰ এক যুটীয়া অভিযানত চকীহোলা থানাৰ অন্তৰ্গত ডেংগাৰ পৰা কাৰ্বি উগ্ৰপন্থী সংগঠন পিপলছ ডেমক্ৰেটিক ছলিডাৰিটি অফ কাৰ্বি লংৰি চমুকৈ পিডিচিকেৰ এজন চাৰ্জেণ্ট মেজৰক বিস্ফোৰক সহ আটক কৰিবলৈ সক্ষম হয় ৷
ধৃত চাৰ্জেণ্ট মেজৰ জনৰ নাম হ’ল ব’নেট টেৰণ ৷ এক গোপন সুত্ৰৰ ভিত্তিত কাৰ্বি আংলংৰ আৰক্ষী অধীক্ষকৰ তত্ত্বাৱধানত চলা এই অভিযানত হস্তনিৰ্মিত কেবাটাও বোমা উদ্ধাৰ কৰাৰ লগতে বেটাৰী, ৰিমোট তথা অন্যান্য সামগ্ৰী উদ্ধাৰ কৰে ৷ হস্তনিৰ্মিত এই বোমা কেইটা আই.ই.ডি বুলি বিশেষ সুত্ৰে প্ৰকাশ ৷ ইতিমধ্যে আৰক্ষীয়ে অধিক তথ্যৰ বাবে অনুসন্ধান অব্যাহত ৰাখিছে৷