নিয়মীয়া বাৰ্তা, ২ জানুৱাৰীঃ তেজপুৰ বিশ্ববিদ্যালয়ৰ অধ্যাপক ড০ পংকজ বৰাক ইণ্ডিয়ান নেচনেল ইয়ং একাডেমী অৱ ছায়েঞ্চৰ সদস্য হিচাপে মনোনীত কৰা হৈছে৷ পৰৱর্তী ৫ বছৰৰ বাবে তেওঁ আই এন ৱাই এ এছৰ সদস্য হিচাপে কার্যনির্বাহ কৰিব৷ বিজ্ঞানৰ জৰিয়তে সমাজৰ প্রতি আগবঢ়োৱা অৱদানৰ বাবে ড০ বৰাক এই সন্মান প্রদান কৰা হৈছে৷
ৰাজ্যৰ শৈক্ষিক জগতৰ বাবে স্বাভাৱিকতে এয়া এক আনন্দৰ খবৰ৷ উল্লেখ্য যে ইণ্ডিয়ান ইয়ং একাডেমী অৱ ছায়েঞ্চৰ তৰফৰ পৰা জনোৱা মতে বিগত বর্ষত কেইবাগৰাকীও যুৱ বিজ্ঞানীৰ নাম বিবেচনালৈ আহিছিল আৰু ইয়াৰ মাজৰ পৰা ড০ পংকজ বৰাক মনোনীত কৰা হৈছে৷