নিয়মীয়া বাৰ্তা, ১৭ জুনঃ লখিমপুৰ জিলাৰ অসম-অৰুণাচল সীমাৰ বান্দৰদেৱাৰ মাজমজিয়াত আজি পুৱতি নিশা প্ৰায় ২ বজাত ড্ৰাগছসহ এটা সৰবৰাহকাৰীক আৰক্ষীয়ে আটক কৰিবলৈ সক্ষম হয় । প্ৰাপ্ত তথ্য অনুসৰি, বান্দৰদেৱা আৰক্ষী চকীৰ এটা টহলদাৰী দলে বান্দৰদেৱাস্থিত এছ বি আই বেংকৰ সমীপৰ ৰাষ্ট্ৰীয় ঘাইপথৰ কাষত এটা কমলা ৰঙৰ চাবোনৰ বাকচত সন্দেহজনক ড্ৰাগছ ভৰাই এটা কলা ৰঙৰ মোনাত লৈ অনা অৱস্থাত আটক কৰে। প্ৰায় ১১.৯৭ গ্ৰাম ড্ৰাগছসহ আটকাধীন ড্ৰাগছ সৰবৰাহকাৰী যুৱকজন নাৰায়ণপুৰৰ গৰুবন্ধাৰ চন্দ্ৰ বৰাৰ পুত্ৰ বুদ্ধজিৎ বৰা (২২) বুলি আৰক্ষীয়ে জানিবলৈ দিয়ে।
প্ৰেৰক মুকুল ভূঞা