নিয়মীয়া বাৰ্তা, ২১ আগষ্ট : নগৰবেৰা আৰক্ষী থানাৰ অন্তৰ্গত পিজুপাৰাত আজি আবেলি তীব্ৰবেগী বাইকৰ খুন্দাত এজন বৃদ্ধ গুৰুতৰভাৱে আহত হৈ চিকিৎসাধীন হবলগীয়া হয় | জানিব পৰা মতে, লক্ষণপুৰ গাঁৱৰ অনিল দাস (৭০)ক পিজুপাৰা পঞ্চায়তৰ সন্মুখভাগত সন্মুখৰ পৰা অহা তীব্ৰবেগী স্প্লেণ্ডাৰ বাইক এখনে খুন্দিওৱাত লোকজন ছিটিকি পৰে আৰু গুৰুতৰভাৱে আহত হয় | পাছত লোকজনক সংকটজনক অৱস্থাত চিকিৎসাৰ বাবে নগৰবেৰা খণ্ড প্ৰাঃ স্বাস্থ্যকেন্দ্ৰত ভৰ্ত্তি কৰোৱা হয় | মূৰত আৰু হাত-ভৰিত অতি বেয়াকৈ আঘাত পোৱা লোকজন সম্প্ৰতি নগৰবেৰা চিকিৎসালয়ত চিকিৎসাধীন হৈ আছে | জানিব পৰা মতে, পঞ্চায়তৰ সন্মুখত ই-ৰিক্সা এখনৰ পৰা নামি পঞ্চায়ত চৌদহলৈ আগবাঢ়িব খোজোঁতেই সংঘটিত হয় দুৰ্ঘটনাটো।
প্ৰেৰক সঞ্জীৱ কুমাৰ দাস