নিয়মীয়া বাৰ্তা, ৩ মেʼ : ডিমা হাছাও জিলাৰ হাফলঙত কালি নিশা সংঘটিত হয় এক ভয়ানক অগ্নিকাণ্ডৰ ঘটনা। হাফলঙৰ বাগেটাৰ-লোডী পথৰ বানিজ্যিক এলেকাত থকা এখন সুলভ মূল্যৰ দোকানত অগ্নিকাণ্ড সংঘটিত হয়। অগ্নিকাণ্ডৰ প্ৰকৃত কাৰণ এতিয়াও জানিব পৰা হোৱা নাই যদিও দোকানখনৰ ভিতৰত স্থাপন কৰা থাপনাত জ্বলোৱা ধূপকাঠীৰ পৰাই উক্ত জুইৰ সূত্ৰপাত হোৱা বুলি সন্দেহ কৰা হৈছে। উল্লেখযোগ্য যে দোকানখনত বিক্ৰীৰ বাবে মজুত কৰি ৰখা কেৰাচিন জুইৰ সংস্পৰ্শলৈ অহাৰ পিছত নিমিষতে জুইৰ লেলিহান শিক্ষাই আৱৰি ধৰাত দোকানখন জ্বলি যায়। অৱশ্যে অগ্নিনিৰ্বাপক বাহিনীৰ গাড়ী সেই স্থানত উপস্থিত হৈ জুই নিৰ্বাপন কৰে যদিও প্ৰায় ২.৫ লাখ টকাৰ সা সামগ্ৰী জুইত ভস্মীভূত হোৱাৰ সন্দেহত কৰা হৈছে।
প্ৰেৰক হেমন্ত কুমাৰ নাথ