নিয়মীয়া বাৰ্তা, ২৬ ছেপ্টেম্বৰ : পশ্চিম কামৰূপৰ নগৰবেৰা নদী সংৰক্ষিত বনাঞ্চলিক কাৰ্যালয়ৰ ৰেঞ্জাৰ শিৱাশিস চাণ্ডিল্যৰ নেতৃত্বত যোৱা বন বিভাগৰ এটা দলে এক অতৰ্কিত অভিযান চলাই আজি পুৱা প্ৰায় ৪ বজাত বনাঞ্চলিক কাৰ্যালয়ৰ অন্তৰ্গত চাকলা ঘাটত এটা অবৈধভাৱে বালি তোলা মেচিন জব্দ কৰিবলৈ সক্ষম হয় | দীৰ্ঘদিনৰে পৰা এটা চক্ৰই অবাধ গতিত অবৈধভাৱে নদীৰ পৰা বালি উঠাই বিক্ৰী কৰাৰ খবৰ পাই বন বিভাগৰ দলটিয়ে অতৰ্কিতে চলোৱা এই অভিযানত মেচিনটো জব্দ কৰি নগৰবেৰা কাৰ্যালয়লৈ নিয়াৰ দিহা কৰে | বন বিভাগৰ এনে সফলতাক সকলোৱে শলাগিছে |
প্ৰেৰক সঞ্জীৱ কুমাৰ দাস